2021 жылғы 10 қаңтарға тағайындалған Атырау облысы мәслихаттары депутаттарының кезекті сайлауында сайлау алдындағы телевизиялық пікірсайыстарды ұйымдастыру және өткізу мәселелері туралы
«Қазақстан Республикасындағы сайлау туралы» Қазақстан Республикасы Конституциялық заңының 27-бабы 3-тармағының 2) тармақшасына және 28-бабының 3-тармағына және «Сайлау алдындағы пікірсайыстарды өткізу қағидалары мен шарттарын бекіту туралы» Қазақстан Республикасы Орталық сайлау комиссиясының 2018 жылғы 25 тамыздағы №12/198 қаулысына сәйкес Атырау облыстық аумақтық сайлау комиссиясы ҚАУЛЫ ЕТЕДІ:
1. 2020 жылғы 25 желтоқсанға тағайындалған саяси партиялардың сайлау алдындағы телевизиялық пікірсайыстары «Қазақстан» РТРК» АҚ Атырау облыстық филиалы эфирінде өткізілсін.
2. 2021 жылғы 10 қаңтарға тағайындалған Атырау облысы мәслихаттары депутаттарының кезекті сайлауында сайлау алдындағы телевизиялық пікірсайыстарды өткізу регламенті осы қаулыға 1-қосымшаға сәйкес келісілсін.
3. 2021 жылғы 10 қаңтарға тағайындалған Атырау облысы мәслихаттары депутаттарының кезекті сайлауында сайлау алдындағы телевизиялық пікірсайыстарға қатысушылардың тізімі осы қаулыға 2-қосымшаға сәйкес бекітілсін.
4. «Қазақстан» РТРК» АҚ Атырау облыстық филиалымен сайлау алдындағы телевизиялық пікірсайыстарды өткізу бойынша шарт жасалсын.
5. Осы қаулы Атырау облысы мәслихаттары депутаттарының кезекті сайлауында партиялық тізімдерін ұсынған саяси партиялардың назарына жеткізілсін.
6. Осы қаулының орындалуын бақылау Атырау облыстық аумақтық сайлау комиссиясының мүшесі К.Б.Нұржігітоваға жүктелсін.
Атырау облыстық аумақтық
сайлау комиссиясының
төрағасы А. Айманакумов
Атырау облыстық аумақтық
сайлау комиссиясының
хатшысы А. Аманжулова