2020 жылғы 13 қарашада Атырау облыстық аумақтық сайлау комиссиясының базасында «Қазақстан Республикасы Парламенті Мәжілісінің және мәслихаттарының депутаттарын сайлауды ұйымдастыру мен өткізудің ерекшеліктері» туралы семинар-кеңесі өтті.
Семинарға Атырау қаласы және аудандық аумақтық сайлау комиссияларының өкілдері қатысты.
Семинарда сайлау инфрақұрылымының мәселелері, мәслихаттарға ұсынылатын партиялық тізімдердің сәйкестігін тексеру мен тіркеуді ұйымдастыру аспектілері, сайлау науқанын қаржыландырудың өзекті мәселелері, сайлау науқаны кезінде сайлау комиссияларының ақпараттық жұмыстарының ерекшеліктері, сайлауды ақпараттық-бағдарламалық сүйемелдеу мәселелері қаралды. Семинар қорытындысы бойынша пікір алмасулар болды.