Облыстың қаржы нарығының 2020 жылғы 1 шілдедегі жағдайы

   ҚР Ұлттық Банкінің Атырау филиалы

              № 6 БАСПАСӨЗ РЕЛИЗІ

                2020 жылғы 09 шілде

 

 

 

 

 

 

 

 

Облыстың қаржы нарығының

2020 жылғы 1 маусымдағы жағдайы

 

Инфляция. Атырау облысы статистика департаментінің ресми деректері бойынша 2020 жылғы мамырда 2020 жылғы сәуірге тұтыну бағаларының индексі 100,5%-ды құрады. Тұтыну бағаларының индексі азық-түлік тауарларына - 101,5%, азық-түлік емес тауарларға - 100,2% және ақылы қызметтерге 99,5% деңгейінде қалыптасты.

2020 жылғы мамырда 2019 жылғы мамырға тұтыну бағаларының индексі 106,5% құрады.

Облыстың банк секторы. 2020 жылғы 1 маусымдағы жағдай бойынша облыс аумағында екінші деңгейдегі банктің 21* филиалы, 57 жеке үй-жайы, 74 айырбастау пункті жұмыс істеді.

Облыстың несие нарығы. 2020 жылғы қаңтар-мамырда облыстың ЕДБ филиалдарымен 146,5 млрд. теңге сомасына несие берілді, бұл 2019 жылғы қаңтар-мамырға қарағанда 4,8 %-ға немесе 7,4 млрд. теңгеге аз.

Осы ретте заңды тұлғаларға несие беру 9,9%-ға 70,4 млрд. теңгеге дейін ұлғайды, жеке тұлғаларға - 15,3%-ға 76,1 млрд. теңгеге дейін азайды.

Ұлттық валютамен берілген несиелер 6,0%-ға 139,4 млрд. теңгеге дейін азайды, шетел валютасымен - 26,6 %-ға 7,1 млрд. теңгеге дейін ұлғайды.

Шағын кәсіпкерлік субъектілеріне 2020 жылғы қаңтар-мамырда 11,1 млрд. теңге сомасында несиелер берілді, бұл 2019 жылғы қаңтар-мамырдағы көрсеткіштен 43,0%-ға төмен.

2020 жылғы қаңтар-мамырда азаматтарға тұтыну мақсаттарға 60,8 млрд. теңге берілді, бұл 2019 жылғы қаңтар-мамырдағы көрсеткіштен 21,1%-ға төмен. Осы ретте несиелендірудің жалпы көлемінде тұтыну несиелерінің үлес салмағы 41,5%-ды құрайды.

2020 жылғы қаңтар-мамырда халыққа берілген ипотекалық несиелер 6,9 млрд. теңгені құрады, 2019 жылғы сәйкес мерзіммен салыстырғанда 17,2 % -ға төмендеген.

2020 жылғы 1 маусымға облыстағы банк филиалдарымен берілген несиелер бойынша берешектер 485,2 млрд. теңгені құрады, 2019 жылғы 1 маусыммен салыстырғанда 21,3%-ға өскен. Ағымдағы жылғы 1 маусымда облыстың жеке тұлғаларының берешектері өткен жылдың сәйкес кезеңімен салыстырғанда 25,7%-ға көбейді және 308,6 млрд. теңгені құрады, заңды тұлғалардікі 176,6 млрд. теңгені құрап, 14,3%-ға өсті.

2020 жылғы 1 маусымдағы жағдай бойынша ипотекалық несилер бойынша халықтың берешектері 56,1 млрд. теңгені құрады, 2019 жылғы 1 маусыммен салыстырғанда 20,2 %-ға өсті.

* Соның ішінде «Қазинвестбанк» АҚ, «Qazaq Banki» АҚ, «Астана Банкі» АҚ филиалдары таратылу сатысында

Ағымдағы жылғы 1 маусымға шағын кәсіпкерлік субъектілерінің несиелер бойынша берешектері 2019 жылдың сәйкес мерзімімен салыстырғанда 1,9%-ға азайды және 42,9 млрд. теңгені құрады.

Несиелер бойынша мерзімі өткен берешектер көлемі 2020 ж. 1 маусымға 2019 ж. 1 маусыммен салыстырғанда 3,5%-ға өсті және 32,4 млрд. теңгені құрады. Осы ретте мерзімі өткен берешектердің жалпы көлеміндегі заңды тұлғалардың үлесі 66,0% құрады, жеке тұлғалардікі -34,0%.

Облыстың депозит нарығы. 2020 жылғы мамырда екінші деңгейдегі банктер филиалдарымен барлығы 598,8 млрд. теңгеге салымдар тартылды, бұл 2020 жылғы сәуірге қарағанда 8,7%-ға көп. Осы ретте жеке тұлғалардан 31,2 млрд. теңге (2020 жылғы сәуірмен салыстырғанда 14,6%-ға төмен) депозит тартылды, заңды тұлғалардан - 567,6 млрд.теңге (10,3%-ға өскен).

2020 жылғы 1 маусымға екінші деңгейдегі банктер филиалдарындағы салымдар бойынша қалдықтар 2019 жылғы 1 маусыммен салыстырғанда 15,4%-ға көбейді және 371,6 млрд. теңгеге жетті. Бұл ретте жеке тұлғалардың депозиттеріндегі қаражат қалдығы 1,2%-ға өсті, ал заңды тұлғалардікі - 47,6%-ға. Аталған датаға салымдардың жалпы сомасындағы жеке тұлғалардың үлесі 60,9% (226,3 млрд. теңге) құрады, заңды тұлғалардікі - 39,1% (145,3 млрд.теңге).

2020 жылғы 1 маусымға ұлттық валютадағы салымдардың үлесі 52,5% немесе 195,1 млрд. теңгені құрады, шетел валютасымен - 47,5% немесе 176,5 млрд. теңге.

2020 жылғы 1 маусымға ұлттық валютадағы салымдар бойынша орташа алынған сыйақы мөлшерлемесі 8,2% құрады, шетел валютасында - 0,9%.

Облыстың валюта нарығы. 2020 жылғы 1 маусымдағы жағдай бойынша қолма-қол шетел валютасымен айырбастау операцияларын облыстың 106 айырбастау пункті жүзеге асырды, олардың 74 – уәкілетті банктердікі, 15 – «Қазпошта» АҚ филиалынікі және 17 – уәкілетті ұйымдардікі.

2020 жылғы қаңтар-мамырда облыстың айырбастау пункттерімен халықтан 35,6 млн. АҚШ доллары сатып алынды, бұл 2019 жылдың сәйкес көрсеткішінен 11,3%-ға төмен. Сонымен қатар 1,3 млн. еуро (40,2%-ға азайды), 406,5 млн. ресей рублі (28,9%-ға азайды) сатып алынды.

Облыстың айырбастау пункттерімен 2020 жылғы қаңтар-мамырда халыққа 107,9 млн. АҚШ доллары сатылды, 2019 жылғы қаңтар-мамырмен салыстырғанда 30,7%-ға азайды. Бұдан басқа халыққа 4,1 млн. еуро (54,6%-ға азайды), 1 104,4 млн. ресей рублі (43,5%-ға азайды) сатылды.

2020 жылғы мамырда сатып алу мен сатудың орташа безбенделген бағамы тиісінше 1 доллар үшін 417,59 және 422,70 теңге, 1 еуро үшін 457,07 және 463,23 теңге, 1 ресей рублі үшін 5,73 және 5,87 теңгені құрады.

Ағымдағы шоттардағы қаржылардың көлемі мен қалдығы. 2020 жылғы қаңтар-мамырда банк клиенттерінің ағымдағы шоттарына түскен қаражаттар көлемі 6 858,8 млрд. теңгені құрады, бұл 2019 жылғы қаңтар-мамырмен салыстырғанда 18,1%-ға көп.

Осы ретте бес ай ішінде жеке тұлғалардың шоттарына 834,4 млрд. теңге сомасында қаражат түсті, бұл 2019 жылғы қаңтар-мамырдағы деңгейден 36,5%-ға артық.

2020 жылғы 1 маусымға клиенттердің ЕДБ филиалдарындағы ағымдағы шоттарындағы қаржылар қалдығы 2019 жылдың сәйкес күнімен салыстырғанда 9,5%-ға азайды және 193,1 млрд. теңгені құрады. Осы ретте жеке тұлғалардың шоттарында 37,7%-ға 35,5 млрд. теңгеге дейін өсім байқалады, заңды тұлғалардың шоттарындағы қалдықтар 16,0%-ға азайды және 157,6 млрд. теңгені құрады.

Төлем карточкаларын пайдалану. 2020 жылғы 1 маусымға айналымдағы төлем карточкаларының саны облыс бойынша 1 668,7 мың бірлікті құрайды (2019 ж. 1 маусымға – 793,7 мың бірлік), карточка ұстаушылардың саны – 1373,9 мың адам (өткен жылғы 1 маусымға – 642,1 мың адам). Облыста 607 банкомат, 5104 POS-терминал жұмыс жасайды.

2020 жылғы қаңтар-мамырда төлем карточкаларын пайдалану арқылы қолма-қол ақшасыз төлемдер бойынша 437,1 млрд. теңге сомасына (2019 жылғы қаңтар-мамырмен салыстырғанда 5,7 есеге жоғары) 32 551,7 мың транзакция (өсім 6,9 есе) жасалды.

2020 жылғы қаңтар-мамырда карточкалық шоттан қолма-қол ақша алу бойынша 287,3 млрд. теңге сомасына (2019 жылғы қаңтар-мамырмен салыстырғанда 0,7%-ға төмен) 5 617,5 мың транзакция (8,5%-ға төмен) жасалды.