Облыстың қаржы нарығының 2020 жылғы 1 наурыздағы жағдайы

Инфляция. Атырау облысы статистика департаментінің ресми деректері бойынша 2020 жылғы ақпанда 2020 жылғы қаңтарға тұтыну бағаларының индексі 101,0%-ды құрады. Тұтыну бағаларының индексі азық-түлік тауарларына - 101,0%, азық-түлік емес тауарларға - 100,7% және ақылы қызметтерге - 100,1% деңгейінде қалыптасты.

2020 жылғы ақпанда 2019 жылғы ақпанға тұтыну бағаларының индексі 106,1% құрады.

Облыстың банк секторы. 2020 жылғы 1 наурыздағы жағдай бойынша облыс аумағында екінші деңгейдегі жиырма банктің 21* филиалы, 57 жеке үй-жайы, 73 айырбастау пункті жұмыс істеді.

Облыстың несие нарығы. 2020 жылғы қаңтар-ақпанда облыстың ЕДБ филиалдарымен 68,1 млрд. теңге сомасына несие берілді, бұл 2019 жылғы қаңтар-ақпанға қарағанда 27,1%-ға немесе 14,5 млрд. теңгеге көп.

Осы ретте заңды тұлғаларға несие беру 12,3%-ға 25,3 млрд. теңгеге дейін ұлғайды, жеке тұлғаларға – 37,8%-ға 42,8 млрд. теңгеге дейін өсті.

Ұлттық валютамен берілген несиелер – 28,1%-ға 64,6 млрд. теңгеге дейін, шетел валютасымен 11,1 %-ға, 3,5 млрд. теңгеге дейін көбейді.

Шағын кәсіпкерлік субъектілеріне 2020 жылғы қаңтар-ақпанда 5,3 млрд. теңге сомасында несиелер берілді, бұл 2019 жылғы қаңтар-ақпандағы көрсеткіштен 6,4%-ға төмен.

2020 жылғы қаңтар-ақпанда азаматтарға тұтыну мақсаттарға 34,6 млрд. теңге берілді, бұл 2019 жылғы қаңтар-ақпандағы көрсеткіштен 32,3%-ға көп. Осы ретте несиелендірудің жалпы көлемінде тұтыну несиелерінің үлес салмағы 50,9%-ды құрайды.

2020 жылғы қаңтар-ақпанда халыққа берілген ипотекалық несиелер 3,7 млр. теңгені құрады, 2019 жылғы көрсеткішпен салыстырғанда 7,2 % -ға өсті.

2020 жылғы 1 наурызға облыстағы банк филиалдарымен берілген несиелер бойынша берешектер 488,4 млрд. теңгені құрады, 2019 жылғы 1 наурызбен салыстырғанда 25,7%-ға өскен. Ағымдағы жылғы 1 наурызға облыстың жеке тұлғаларының берешектері өткен жылдың сәйкес кезеңімен салыстырғанда 37,6%-ға көбейді және 318,0 млрд. теңгені құрады, заңды тұлғалардікі 170,4 млрд. теңгені құрап, 8,2%-ға өсті.

2020 жылғы 1 наурыздағы жағдай бойынша ипотекалық несилер бойынша халықтың берешектері 55,3 млрд. теңгені құрады, 2019 жылғы 1 наурызбен салыстырғанда 23,4 %-ға өсті.

* Соның ішінде «Қазинвестбанк» АҚ, «Qazaq Banki» АҚ, «Астана Банкі» АҚ филиалдары таратылу сатысында

Ағымдағы жылғы 1 наурызға шағын кәсіпкерлік субъектілерінің несиелер бойынша берешектері 2019 жылдың сәйкес мерзімімен салыстырғанда 2,8%-ға көбейді және 43,4 млрд. теңгені құрады.

Несиелер бойынша мерзімі өткен берешектер көлемі 2020 ж. 1 наурызға 2019 ж. 1 наурызбен салыстырғанда 12,8%-ға өсті және 34,5 млрд. теңгені құрады. Осы ретте заңды тұлғалардың мерзімі өткен берешектері – 11,8%-ға 23,5 млрд. теңгеге дейін, жеке тұлғалардікі 15,0%-ға 11,0 млрд. теңгеге дейін өсті.

Облыстың депозит нарығы. 2020 жылғы ақпанда екінші деңгейдегі банктер филиалдарымен барлығы 733,5 млрд. теңгеге салымдар тартылды, бұл 2020 жылғы қаңтарға қарағанда 18,7%-ға көп. Осы ретте жеке тұлғалардан - 34,6 млрд. теңге (2020 жылғы қаңтармен салыстырғанда 25,5%-ға өскен), заңды тұлғалардан 698,9 млрд.теңге (18,4%-ға өскен) депозит тартылды.

2020 жылғы 1 наурызға екінші деңгейдегі банктер филиалдарындағы салымдар бойынша қалдықтар 2019 жылғы 1 наурызбен салыстырғанда 19,8%-ға көбейді және 376,0 млрд. теңгеге жетті. Бұл ретте жеке тұлғалардың депозиттеріндегі қаражат қалдығы 4,9%-ға өсті, ал заңды тұлғалардікі - 57,4%-ға. Аталған датаға салымдардың жалпы сомасындағы жеке тұлғалардың үлесі 62,8% (236,0 млрд. теңге) құрады, заңды тұлғалардікі - 37,2% (140,0 млрд.теңге).

2020 жылғы 1 наурызға ұлттық валютадағы салымдардың үлесі – 55,0% немесе 206,6 млрд. теңгені құрады, шетел валютасымен - 45,0% немесе 169,4 млрд. теңге.

2020 жылғы 1 наурызға ұлттық валютадағы салымдар бойынша орташа алынған сыйақы мөлшерлемесі 7,9% құрады, шетел валютасында - 0,8%.

Облыстың валюта нарығы. 2020 жылғы 1 наурыздағы жағдай бойынша қолма-қол шетел валютасымен айырбастау операцияларын облыстың 105 айырбастау пункті жүзеге асырды, олардың 73 – уәкілетті банктердікі, 15 – «Қазпошта» АҚ филиалынікі және 17 – уәкілетті ұйымдардікі.

2020 жылғы қаңтар-ақпанда облыстың айырбастау пункттерімен халықтан 18,2 млн. АҚШ доллары сатып алынды, бұл 2019 жылдың көрсеткішінен 22,6%-ға жоғары. Сонымен қатар 0,7 млн. еуро (12,4%-ға азайды), 223,0 млн. ресей рублі (4,3%-ға өскен) сатып алынды.

Облыстың айырбастау пункттерімен 2020 жылғы қаңтар-ақпанда халыққа 47,0 млн. АҚШ доллары сатылды, 2019 жылғы қаңтар-ақпанмен салыстырғанда 18,1%-ға азайды. Бұдан басқа халыққа 2,6 млн. еуро (1,0%-ға көбейді), 489,2 млн. ресей рублі (33,3%-ға азайды) сатылды.

2020 жылғы ақпанда сатып алу мен сатудың орташа безбенделген бағамы тиісінше 1 доллар үшін 377,81 және 380,45 теңге, 1 еуро үшін 412,23 және 415,91 теңге, 1 ресей рублі үшін 5,83 және 5,92 теңгені құрады.

Ағымдағы шоттардағы қаржылардың көлемі мен қалдығы. 2020 жылғы қаңтар-ақпанда банк клиенттерінің ағымдағы шоттарына түскен қаражаттар көлемі 2 956,5 млрд. теңгені құрады, бұл 2019 жылғы қаңтар-ақпанмен салыстырғанда 28,9%-ға көп.

Осы ретте екі ай ішінде жеке тұлғалардың шоттарына 326,8 млрд. теңге сомасында қаражат түсті, бұл 2019 жылғы қаңтар-ақпандағы деңгейден 48,4%-ға артық.

2020 жылғы 1 наурызға клиенттердің ЕДБ филиалдарындағы ағымдағы шоттарындағы қаржылар қалдығы 2019 жылдың сәйкес күнімен салыстырғанда 19,6%-ға 181,7 млрд. теңгеге дейін азайды. Осы ретте жеке тұлғалардың шоттарында 26,6%-ға 28,9 млрд. теңгеге дейін өсім байқалады, заңды тұлғалардың шоттарындағы қалдықтар 24,8%-ға төмендеді және 152,8 млрд. теңгені құрады.

Төлем карточкаларын пайдалану. 2020 жылғы 1 наурызға айналымдағы төлем карточкаларының саны облыс бойынша 1 560,7 мың бірлікті құрайды (2019 ж. 1 ақпанға – 790,2 мың бірлік), карточка ұстаушылардың саны – 1396,7 мың адам (өткен жылдың 1 наурызына – 637,7 мың адам). Облыста 717 төлем терминалдары, 582 банкомат, 5198 POS-терминал жұмыс жасайды.

2020 жылғы қаңтар-ақпанда төлем карточкаларын пайдалану арқылы қолма-қол ақшасыз төлемдер бойынша 160,9 млрд. теңге сомасына (2019 жылғы қаңтар-ақпанмен салыстырғанда 6,4 есеге жоғары) 11 972,1 мың транзакция (өсім 7,7 есе) жасалды.

2020 жылғы қаңтар-ақпанда карточкалық шоттан қолма-қол ақша алу бойынша 121,3 млрд. теңге сомасына (2019 жылғы қаңтар-ақпанмен салыстырғанда 7,9%-ға жоғары) 2 529,2 мың транзакция (11,6%-ға жоғары) жасалды.

Дата публикации

30 октября 2020

Дата обновления

30 октября 2020

Тип

Статистика