Облыстың қаржы нарығының 2020 жылғы 1 ақпандағы жағдайы

 

ҚР Ұлттық Банкінің Атырау филиалы

             № 2 БАСПАСӨЗ РЕЛИЗІ

              2020 жылғы 5 наурыз

 

 

 

 

 

 

Облыстың қаржы нарығының

2020 жылғы 1 ақпандағы жағдайы

Инфляция. Атырау облысы статистика департаментінің ресми деректері бойынша 2020 жылғы қаңтарда 2019 жылғы желтоқсанға тұтыну бағаларының индексі 100,8%-ды құрады. Тұтыну бағаларының индексі азық-түлік тауарларына - 101,1%, азық-түлік емес тауарларға - 100,9% және ақылы қызметтерге - 100,4% деңгейінде қалыптасты.

2020 жылғы қаңтарда 2019 жылғы қаңтарға тұтыну бағаларының индексі 105,5% құрады.

Облыстың банк секторы. 2020 жылғы 1 ақпандағы жағдай бойынша облыс аумағында екінші деңгейдегі жиырма банктің 21* филиалы, 57 жеке үй-жайы, 72 айырбастау пункті жұмыс істеді.

Облыстың несие нарығы. 2020 жылғы қаңтарда облыстың ЕДБ филиалдарымен 30,4 млрд. теңге сомасына несие берілді, бұл 2019 жылғы қаңтарға қарағанда 11,8%-ға немесе 3,2 млрд. теңгеге көп.

Осы ретте заңды тұлғаларға несие беру 8,0%-ға 11,4 млрд. теңгеге дейін азайды, жеке тұлғаларға – 28,4%-ға 19,0 млрд. теңгеге дейін өсті.

Ұлттық валютамен берілген несиелер – 12,3%-ға 28,1 млрд. теңгеге дейін, шетел валютасымен 6,6 %-ға, 2,3 млрд. теңгеге дейін көбейді.

Шағын кәсіпкерлік субъектілеріне 2020 жылғы қаңтарда 2,2 млрд. теңге сомасында несиелер берілді, бұл 2019 жылғы қаңтардағы көрсеткіштен 10,1%-ға төмен.

2020 жылғы қаңтарда азаматтарға тұтыну мақсаттарға 15,1 млрд. теңге берілді, бұл 2019 жылғы қаңтардағы көрсеткіштен 20,8%-ға көп. Осы ретте несиелендірудің жалпы көлемінде тұтыну несиелерінің үлес салмағы 49,8%-ды құрайды.

2020 жылғы қаңтарда халыққа берілген ипотекалық несиелер 1,8 млр. теңгені құрады, 2019 жылғы көрсеткішпен салыстырғанда 3,0 % -ға өсті.

2020 жылғы 1 ақпанға облыстағы банк филиалдарымен берілген несиелер бойынша берешектер 449,0 млрд. теңгені құрады, 2019 жылғы 1 ақпанмен салыстырғанда 14,8%-ға өскен. Ағымдағы жылғы 1 ақпанға облыстың жеке тұлғаларының берешектері өткен жылдың сәйкес кезеңімен салыстырғанда 23,0%-ға көбейді және 281,8 млрд. теңгені құрады, заңды тұлғалардікі 167,2 млрд. теңгені құрап, 3,2%-ға өсті.

2020 жылғы 1 ақпандағы жағдай бойынша ипотекалық несилер бойынша халықтың берешектері 54,7 млрд. теңгені құрады, 2020 жылғы 1 ақпанмен салыстырғанда 1,5 %-ға өсті.

*Соның ішінде «Қазинвестбанк» АҚ, «Qazaq Banki» АҚ, «Астана Банкі» АҚ филиалдары таратылу сатысында

Ағымдағы жылғы 1 ақпанға шағын кәсіпкерлік субъектілерінің несиелер бойынша берешектері 2019 жылдың сәйкес мерзімімен салыстырғанда 2,6%-ға азайды және 42,5 млрд. теңгені құрады.

Несиелер бойынша мерзімі өткен берешектер көлемі 2020 ж. 1 ақпанына 2019 ж. 1 ақпанымен салыстырғанда 0,5%-ға өсті және 31,2 млрд. теңгені құрады. Осы ретте заңды тұлғалардың мерзімі өткен берешектері – 1,0%-ға 21,3 млрд. теңгеге дейін төмендеп, жеке тұлғалардікі 4,1%-ға 9,9 млрд. теңгеге дейін өсті.

Облыстың депозит нарығы. 2020 жылғы қаңтарда екінші деңгейдегі банктер филиалдарымен барлығы 617,8 млрд. теңгеге салымдар тартылды, бұл 2019 жылғы желтоқсанға қарағанда 2,5%-ға төмен. Осы ретте жеке тұлғалардан - 27,6 млрд. теңге (2019 жылғы желтоқсанмен салыстырғанда 28,9%-ға азайған), заңды тұлғалардан 590,2 млрд.теңге (0,8%-ға азайған) депозит тартылды.

2020 жылғы 1 ақпанға екінші деңгейдегі банктер филиалдарындағы салымдар бойынша қалдықтар 2019 жылғы 1 ақпанмен салыстырғанда 22,2%-ға көбейді және 390,9 млрд. теңгеге жетті. Бұл ретте жеке тұлғалардың депозиттеріндегі қаражат қалдығы - 4,6%-ға, ал заңды тұлғалардікі 62,7%-ға өсті. Аталған датаға салымдардың жалпы сомасындағы жеке тұлғалардың үлесі 59,7% (233,2 млрд. теңге) құрады, заңды тұлғалардікі - 40,3% (157,7 млрд.теңге).

2020 жылғы 1 ақпанға ұлттық валютадағы салымдардың үлесі – 52,0% немесе 203,6 млрд. теңгені, шетел валютасымен 48,0% немесе 187,3 млрд. теңгені құрады.

2020 жылғы 1 ақпанға ұлттық валютадағы салымдар бойынша орташа алынған сыйақы мөлшерлемесі – 8,0%, шетел валютасындағы салымдар бойынша 0,8%-ды құрады.

Облыстың валюта нарығы. 2020 жылғы 1 ақпандағы жағдай бойынша қолма-қол шетел валютасымен айырбастау операцияларын облыстың 105 айырбастау пункті жүзеге асырды, олардың 72 – уәкілетті банктердікі, 15 – «Қазпошта» АҚ филиалынікі және 18 – уәкілетті ұйымдардікі.

2020 жылғы қаңтарда облыстың айырбастау пункттерімен халықтан 10,1 млн. АҚШ доллары сатып алынды, бұл 2019 жылдың көрсеткішінен 43,8%-ға жоғары. Сонымен қатар 0,4 млн. еуро (18%-ға азайды), 108,0 млн. ресей рублі (5,1%-ға төмен) сатып алынды.

Облыстың айырбастау пункттерімен 2020 жылғы қаңтарда халыққа 26,3 млн. АҚШ доллары сатылды, 2019 жылғы қаңтармен салыстырғанда 9,0%-ға төмен. Бұдан басқа халыққа 1,4 млн. еуро (33,6%-ға көбейді), 201,8 млн. ресей рублі (39,6%-ға азайды) сатылды.

2020 жылғы қаңтарда сатып алу мен сатудың орташа безбенделген бағамы тиісінше 1 доллар үшін 378,84 және 381,38 теңге, 1 еуро үшін 422,09 және 425,18 теңге, 1 ресей рублі үшін 6,06 және 6,14 теңгені құрады.

Ағымдағы шоттардағы қаржылардың көлемі мен қалдығы. 2020 жылғы қаңтарда банк клиенттерінің ағымдағы шоттарына түскен қаражаттар көлемі 1 368,5 млрд. теңгені құрады, бұл 2019 жылғы қаңтармен салыстырғанда 16,5%-ға көп. Сонымен қатар бір ай ішінде жеке тұлғалардың шоттарына 153,8 млрд. теңге сомасында қаражат түсті, бұл 2019 жылғы қаңтардағы деңгейден 42,9%-ға артық.

2020 жылғы 1 ақпанға клиенттердің ЕДБ филиалдарындағы ағымдағы шоттарындағы қаржылар қалдығы 2019 жылдың сәйкес күнімен салыстырғанда 21,5%-ға 212,6 млрд. теңгеге дейін азайды. Осы ретте жеке тұлғалардың шоттарында 25,4%-ға 29,2 млрд. теңгеге дейін өсім байқалады, заңды тұлғалардың шоттарындағы қалдықтар 25,9%-ға төмендеді және 183,4 млрд. теңгені құрады.

Төлем карточкаларын пайдалану. 2020 жылғы 1 ақпанға айналымдағы төлем карточкаларының саны облыс бойынша 1 528,9 мың бірлікті құрайды (2019 ж. 1 ақпанына – 784,4 мың бірлік), карточка ұстаушылардың саны – 1347,3 мың адам (өткен жылдың 1 ақпанына – 632,7 мың адам). Облыста 717 төлем терминалдары, 582 банкомат, 5198 POS-терминал жұмыс жасайды.

2020 жылғы қаңтарда төлем карточкаларын пайдалану арқылы қолма-қол ақшасыз төлемдер бойынша 72,2 млрд. теңге сомасына (2019 жылғы қаңтармен салыстырғанда 5,8 есеге жоғары) 5 408,1 мың транзакция (өсім 6,5 есе) жасалды.

2020 жылғы қаңтарда карточкалық шоттан қолма-қол ақша алу бойынша 56,9 млрд. теңге сомасына (2019 жылғы қаңтармен салыстырғанда 7,2%-ға төмен) 1213,7 мың транзакция (2,3%-ға төмен) жасалды