2026 жылғы 04 ақпан №19
Мемлекет мұқтажы үшін жер учаскесін мәжбүрлеп иеліктен шығарудың басталуы туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 31, 37 баптары, «Мемлекеттік мүлік туралы» Қазақстан Республикасының Заңының 62, 63, 64, 65 баптары, Қазақстан Республикасының Жер Кодексінің 17, 81, 84 баптары және Жылыой аудандық мәслихатының 2022 жылғы 12 желтоқсандағы №26-2 «Аудандық мәслихатының 2013 жылғы 11 желтоқсандағы №17-20 «Құлсары қаласының бас жоспарын бекіту туралы» шешіміне өзгеріс енгізу туралы» шешімі, «Жылыой ауданы жолаушылар көлігі және автомобильдер жолдары бөлімі» мемлекеттік мекемесінің 2026 жылғы 09 қаңтардағы №06-03-17-1/08 хаты негізінде Жылыой ауданы әкімдігі ҚАУЛЫ ЕТЕДІ.
- Құлсары қаласының тұрғыны Сатпанова Кумисайдың Жылыой ауданы, Құлсары қаласы, Ж.Нәдіров көшесі, №150 құрылыс мекен жайында орналасқан кадастрлық нөмері 04-059-024-3616, техникалық қызмет көрсету және автокөлік жуу орны құрылысы үшін берілген көлемі 0,1998 га жер учаскесін Ж.Нәдіров көшесімен қосатын Доссор-Құлсары-Ақтау Республикалық маңызы бар автомобильдер жолдарына айналма жол салу жобасын іске асыруға кедергі болуына байланысты мемлекет мұқтажы үшін мәжбүрлеп иеліктен шығару басталсын.
- Жер учаскесінің меншік иесі мемлекет мұқтажы үшін жер учаскесін мәжбүрлеп иеліктен шығару туралы жазбаша хабарлама алған сәттен бастап «Жылыой ауданы ауыл шаруашылығы және жер қатынастары бөлімі» мемлекеттік мекемесіне келісу рәсімдерін жүргізу үшін өтініш білдірсін.
- Мемлекет мұқтажы үшін жер учаскелерін иеліктен шығару күні осы қаулының ресми жариялану күнінен алты айдан кейін 2026 жылдың 30 шілдесіне дейін деп айқындалсын.
4.7«Жылыой ауданы ауыл шаруашылығы және жер қатынастары бөлімі» мемлекетік мекемесі (Ж.Сабыров) осы қаулыдан туындайтын қажетті шараларды қабылдасын.
- Осы қаулының орындалуын бақылау Жылыой ауданы әкімінің жетекшілік ететін орынбасарына жүктелсін.
- Осы қаулы қол қойылған күнінен бастап күшіне енеді.
Аудан әкімінің
міндетін атқарушы Е.Нурланов