GOV.KZ – Мемлекеттік органдардың цифрлық ресурстарының бірыңғай платформасы
23 маусым – Мемлекеттік қызметшілер күніне орай Атырау облысында ел игілігі жолында адал қызмет атқарып жүрген мемлекеттік қызметшілер мен олардың отбасыларына құрмет көрсетілді.
Мереке аясында Атырау облысы әкімінің атынан Туризмді дамыту бөлімінің бас маманы Динара Бөрібайқызы Тоқсанованың ата-анасына Алғыс хат табыс етілді.
Бұл марапат – қызына адалдық, жауапкершілік, еңбекқорлық пен елге қызмет ету құндылықтарын бойына сіңіріп, саналы тәрбие берген ата-ананың еңбегіне көрсетілген зор құрметтің белгісі. Мемлекеттік қызметте табысты еңбек етіп жүрген азаматтардың қалыптасуында отбасы тәрбиесінің орны ерекше екені атап өтілді.
Ата-аналарға көрсетілген құрмет олардың қоғам алдындағы еңбегіне берілген жоғары баға, жас ұрпаққа үлгі болатын азаматтарды тәрбиелегені үшін ризашылық белгісі.
SARAISHYQ MARATHON 2026: 700-ден астам қатысушы бақ сынады
Бүгін Атырау облысы Дене шынықтыру, спорт және туризм басқармасының қолдауымен және RunclubAtyrau жүгіру клубының ұйымдастыруымен Махамбет ауданына қарасты Сарайшық ауылдық округінде республикалық деңгейдегі жүгіру марафоны өтті.
Іс-шараға еліміздің түрлі өңірлерінен, соның ішінде Орал, Ақтөбе, Ақтау қалаларынан келген спортшылармен қатар, өзге ұлт өкілдері де қатысып, жалпы саны 700-ден астам адам жиналды. Олардың қатарында 20-ға жуық мүмкіндігі шектеулі азаматтар бар.
Қатысушылар 3, 5, 10 және 21 шақырым қашықтықтарда бақ сынады.
Марафонға облыс әкімі аппаратының басшысы Нұрлыбек Жеңісбекұлы қатысып, спортшыларға сәттілік тілеп, жарысқа ресми түрде старт берді.
Жарыс қорытындысында үздік нәтиже көрсеткен спортшылар арнайы марапаттарға ие болды.
Іс-шара аясында қатысушылар мен қонақтарға көне Сарайшық қалашығының тарихы таныстырылып, «Сарайшық» мемлекеттік тарихи-мәдени музей-қорығына экскурсия ұйымдастырылды.
Сонымен қатар, жергілікті кәсіпкерлер мен қолөнершілердің өнімдері қойылған көрме өтіп, ұлттық бұйымдар мен кітаптар көпшілік назарына ұсынылды.
Жамбыл облысы – I орын
Астана қаласы – II орын
Алматы қаласы– III орын иеленді.Өңірлік экологиялық саммит – 2026 жылғы климат пен экология мәселелерін талқылайтын халықаралық деңгейдегі маңызды алаң. Мұнда түрлі елдердің өкілдері, сарапшылар мен ұйымдар бірлесіп, нақты шешімдер ұсынады.
Саммитке Атырау облысының делегациясы да белсенді қатысып, экологиялық жобалар, өңірдің туристік әлеуеті таныстырылуда.
Экологиялық мәселелер шекара таңдамайды. Құрғақшылық, климаттың өзгеруі, өзендер мен экожүйелердің жай-күйі-бүкіл өңір елдеріне ортақ сын-қатер. Сондықтан бұл мәселелерді бірлесіп шешу-уақыт талабы ғана емес, болашақ алдындағы ортақ жауапкершілік.
Үш күн бойы көрме алаңында біз:
— Атырау өңірінің туристік әлеуеті туралы таныстырамыз
— өңірдің ең үздік бағыттары мен локацияларын ұсынамыз
— Атырау облысына саяхат бойынша сұрақтарыңызға жауап береміз
🤝 біздің стендке келіп, командамен танысуға шақырамыз!
Павильон 10 • стенд 10–05, 22-24 сәуір 2026 жыл
Атырау облысында агротуризмді дамытуға бағытталған тегін оқу семинары 27-30 сәуір аралығында өтеді. Бұл — өз жеріңізді табысты туристік нысанға айналдыруға арналған тамаша мүмкіндік.
Семинар тақырыбы: «Қонақ үй үлгісіндегі үйлер және орналастырудың өзге түрлері арқылы агротуризмді дамыту»
Семинар барысында:
✓ Агротуризмде бизнес ашу негіздері
✓ Қонақ үй үлгісіндегі үйлерді ұйымдастыру жолдары
✓ Instagram, 2GIS, Google Maps арқылы нысанды ілгерілету
✓ Брондау жүйелерімен тиімді жұмыс
✓ Жасанды интеллектті (ChatGPT, Kaz-LLM) бизнеске қолдану
✓ Дайын кейстерді талдау және көшпелі тур
Нәтижесінде:
✓ Туризм саласында табыс табу мүмкіндігі
✓ Өз нысаныңызды дамытуға арналған нақты құралдар мен білім
Талаптар:
✓ Туризм саласына қызығушылық
✓ Жеке шаруашылық немесе жер телімінің болуы құпталады
✓ 18 жастан жоғары
Семинарды толық аяқтаған қатысушыларға сертификат беріледі.
ОҚУ ТЕГІН
Орын саны шектеулі — алдын ала тіркелу міндетті.
Қосымша ақпарат үшін:
+7 707 061 3030
Аталған іс-шара Атырау облысы Дене шынықтыру, спорт және туризм басқармасы және «Atyrau Nomads» саяхат клубымен бірлесіп ұйымдастыруымен өткізілді. Экспедиция барысында қатысушылар Ақкегершін борлы тауына және Иманқара үңгіріне экскурсия ұйымдастырып, кейіннен аталған аумақта санитарлық-тазалық жұмыстарын жүргізді.
Айта кетсек, аталған экскурсияға 130 адам қатысты.
Алғаш рет аталған көрмеге Атырау облысы Дене шынықтыру, спорт және туризм басқармасының, «Visit Atyrau» туристік ақпараттық орталығының және «Shagala Travel» туроператорының өкілдері қатысып, облыстың туристік әлеуеті халықаралық нарықта таныстырылып, іскерлік кездесулер өткізіліп, жаңа серіктестік байланыстар орнатылды.
Осындай ауқымды шаралар Қазақстан туризмін әлемдік деңгейде ілгерілетуге, жаңа туристік бағыттарды дамытуға және еліміздің тартымды туристік имиджін қалыптастыруға зор ықпал етеді. ITB Berlin 2026 — жаңа мүмкіндіктер мен халықаралық ынтымақтастық алаңы.