Атырау облысында 1120 спорттық нысан қолданыста.
(Мұз айдыны - 1, спорт кешені - 1, ескек есу базасы -1, ескек есу каналы -1, хоккей корты -3, стадиондар -7, бассейн -11, теннис корты – 15, оқ ату тирі -24, спорт нысандары – 33, жапсарма спорт залдары -33, спорт залдары -300, жазық алаңдағы кешендер -690)
«Атырау» спорт кешені - Облыстағы жалғыз спорт сарайы. Көлемі 6160 м2. Үлкен спорт залының көлемі 2000 м2. Кешен 700 адамды қабылдай алады. Үлкен ойын залынан бөлек бокс, гимнастика, таеквондо, фитнес залдары мен жүззу байссейні бар. Ірі кешендер қатарына мұз айдыны сарайы, Теннис орталығы және «Мұнайшы» спорт кешені мен барлық заманауи талаптарға сай 50 метрлік орталық жүзу бассейнін айтуға болады.
Облыс бойынша 17 спорт мектебінде спорттың 25 түрі дамытылуда. Онда спортпен шұғылданушы балалар саны 14006. Қазіргі таңда мектеп жасындағы балалардың 15,5 пайызы спорт мектептерінде секцияларда тегін шұғылдануда.
Спорт түрлерін дамыту бойынша облыс көлемінде 8749 секциялар жұмыс жасайды. Оның ішінде 3432-і ауылдық жерде, 4594-і Олимпиадалық спорт түрлері бойынша. Облыста бір мектеп маманданырылған дәрежесіне ие.
Облыс көлемінде 8 кәсіби спорттық клубтар жұмыс жасайды. (Олар: волейбол, баскетбол, футбол, хоккей, бокс клубы, мүгедектер спорттық клубы, су спорты түрлері клубы, ұлттық спорт түрлері). Оның ішінде балаларға арналған футбол академиясы, «Атырау барыстары» баскетбол академиясы, хоккейден балалар командасы мен баскетбол академиялары бар.
Спортта жоғары жетістікке қол жеткізіп жүрген 88 спортшы Жоғарғы спорттық шеберлік мектебінде және болашағынан үміт күттіретін 185 спортшы Олимпиадалық резервті даярлау Орталығында бөлек бапталуда.