Облыста жұмыссыздықты төмендету мақсатында Қазақстан Республикасының еңбек нарығын дамытудың 2024-2029 жылдарға арналған тұжырымдамасы іске асырылуда, сондай-ақ жұмыссыз азаматтарды жұмысқа орналастыруға жағдай жасау мақсатында жыл сайын «Атырау облысының Өңірлік жұмыспен қамту картасы» бекітіледі.
Жаңа бизнес-идеяларды іске асыруға арналған гранттар халықтың әлеуметтік осал топтары қатарындағы адамдарға конкурстық негізде 400 еселенген айлық есептік көрсеткіштің мөлшеріне дейін беріледі.
Гранттар
1) атаулы әлеуметтік көмек алушылар;
2) төрт және одан да көп бірге тұратын кәмелетке толмаған балалары бар көп балалы отбасыларға ай сайынғы мемлекеттік жәрдемақы алушылар;
3) асыраушысынан айрылу жағдайы бойынша әлеуметтік төлем алушылар;
4) қоныс аударушылар;
5) қандастар;
6) еңбекке қарсы көрсетілімдері жоқ мүгедектігі бар адамдар;
7) мүгедектігі бар балаларды тәрбиелеп отырған адамдарға беріледі.
Гранттар жұмыссыз немесе дара кәсіпкер ретінде мемлекеттік тіркеу мерзімі үш жылдан аз дара кәсіпкер ретінде грант алуға өтініш бергенге дейін тіркелген жағдайда халықтың әлеуметтік осал топтарына беріледі.
Гранттар бір рет беріледі және нысаналы мақсаты бойынша қажетті еңбек құралдарын, мүкәммалды, технологиялық жабдықты, жануарларды, малды, құстарды, көшеттерді, бұталарды, тұқымдарды, көшеттерді сатып алу, коммерциялық жылжымайтын мүлік объектілерінің, сондай-ақ сауда объектілерінің, оның ішінде жалға алу, пайдалану, сенімгерлік басқару құқығындағы сауда объектілерінің аумағында жаңа бизнес идеяларды іске асыруға арналған үй-жайларды жалдау ақысын төлеу үшін беріледі.
Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді.
Гранттар легтер бойынша және комиссия шешімдерімен беріледі.
Әлеуметтік жұмыс орындарына 16 жастан бастап ҚР Әлеуметтік Кодекстің 207 бабының 1-тармағында белгіленген зейнеткерлік жасқа толғанға дейін қатысуға болады. Оған:
- жұмыссыздар ретінде тіркелген адамдар;
- ұзақтығы 12 айдан аспайтын мерзімді құрайды;
- әлеуметтік жұмыс орындарына жұмысқа орналастырылған жұмыссыздардың жалақысына субсидияның ай сайынғы мөлшері жалақының белгіленген мөлшерінен 35%-ды құрайды, бірақ 20 айлық есептік көрсеткіштен аспайды.
Атаулы әлеуметтік көмекке жүгіну үшін тұрғылықты жеріңіз бойынша ауылдық жерлерде кент, ауыл, ауылдық округ әкімдіктеріне немесе мансап орталығына жүгіне аласыз немесе электрондық үкімет порталы арқылы өтініш бере аласыз.
Сондай-ақ, Мемлекет басшысының тапсырмасына сәйкес, 2022 жылдың 1 қыркүйегінен бастап «Отбасының цифрлық картасы» іске қосылды. Бұл жерде егерде атаулы әлеуметтік көмек алу құқығы Сізге белгіленсе, ұялы телефоныңызға СМС-хабарлама келеді.
Осы СМС-хабарламаға келісім берсеңіз мемлекеттік органдарға жүгінбей-ақ, заңдылықтарға сәйкес, Сіз атаулы әлеуметтік көмек алу мүмкіндігіне ие бола аласыз.