«Махамбет аудандық кәсіпкерлік және ауыл шаруашылығы
бөлiмi» мемлекеттік мекемесі туралы
ЕРЕЖЕ
Егер мекеме заңнамалық актілермен кіріс әкелетін қызметті жүзеге асыру құқығы берілсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.
Аудан аумағында кәсіпкерлікті, қызмет көрсету саласын және ауыл шаруашылығын дамытудың негізгі бағыттарын қалыптастыру және іске асыру жөніндегі өкілеттіктерді жүзеге асырады.
1) құқықтары:
белгіленген тәртіппен бөлімнің құзыретіне кіретін ауданның әлеуметтік-экономикалық даму мәселелерін әзірлеуге, қарауға және келісуге қатысуға;
оның құзыретіне жатқызылған мәселелер бойынша әдістемелік материалдар мен ұсыныстарды әзірлеуге, сондай-ақ нұсқамалар, семинарлар, кеңестер өткізуге;
белгіленген тәртіппен жергілікті атқарушы органдарынан, мекемелері мен ұйымдардан бөлімнің өз функцияларын іске асыруға қажетті статистикалық және есептік деректерді, басқа материалдар мен мәліметтерді сұратуға және алуға;
бұқаралық ақпарат құралдарына бөлімнің қызметі туралы ақпаратты беруге;
қажет болған жағдайда кеңестер мен сарапшылар топтарын құруға құқылы.
2) Міндеттері:
ауданның өңірлік әлеуметтік-экономикалық даму бағдарламаларын қалыптастыруға және іске асыруға қатысу;
аудан аумағында кәсіпкерліктің, қызмет көрсету саласының және ауыл шаруашылығын дамуының жай-күйін талдау және дамуын болжау;
қолданыстағы заңнамаға, мемлекеттік, салалық (секторлық), аймақтық бағдарламаларға сәйкес агроөнеркәсіптік кешен субъектілерін мемлекеттік қолдауды жүзеге асыру және тұрғындар қажеттілігін қанағаттандыру үшін ауыл шаруашылық өнімдерінің іске асырылуына жәрдемдесу.
кәсіпкерліктің, қызмет көрсету саласының және сауданың экономикалық және әлеуметтік дамуына жәрдемдесу;
ауданның кәсіпкерлік және ауыл шаруашылығы саласында бәсекеге қабілетті жаңа технологиялар енгізуге жұмыстану;
ауданның шағын және орта кәсіпкерлік саласының дамуын талдау және мониторингілеу;
ауданның шағын және орта кәсіпкерлік өкілдеріне қолдау көрсету мақсатында, аудандағы қоғамдық бірлестіктермен және Махамбет аудандық кәсіпкерлік палатасымен өзара іс-қимыл жасау;
тауар өндірушілер мен кәсіпкерлерге арналған ақпараттық жинақтар жасау, тарату;
семинарларды, көрме-жәрмеңкелерді, конкурстарды, форумдарды, бизнес кездесулерді ұйымдастыру;
халық кәсіпшілігі және қолөнерді дамытуға жәрдемдесу;
8) өңірлік шағын және орта кәсіпкерлікті қолдау бағдарламаларын әзірлеуді ұйымдастыру;
шағын кәсіпкерлік субьектілеріне ғимараттарды, өндірістік үй-жайларды және коммуналдық меншіктегі өзге де мүлікті жеңілдікпен беру арқылы шағын кәсіпкерлік инфрақұрылымын қолдау мен дамыту жөнінде ұсыныстар береді;
сауда саласында мемлекеттік саясатын жүргізу;
кәсіпорындарға Мемлекеттік көмек бағдарламасын іске асыру бойынша түсінік жұмыстарын жүргізу («Бизнестің жол картасы 2025 бизнесті қолдау мен дамытудың мемлекеттік бағдарламасы», «Нәтижелі жұмыспен қамту және жаппай кәсіпкерлікті дамытудың бағдарламасы»);
сауданы орынсыз жерлерде сатуды қадағалау;
ауданда туризм саласының дамуы бойынша жұмыстар жүргізу;
аудан аумағында туристік ресурстарды қорғау, туристік индустрия обьектілерін жоспарлау және салу жөніндегі ұсыныстар енгізу;
аудандағы туристік маршруттар мен соқпақтардың тізілім жүргізу; сыбайлас жемқорлыққа қарсы күрес мақсатында іс-шаралар ұйымдастыру (мақалалар жариялау, семинарлар, дөңгелеке үстелдер өткізу және т.б.);
«Е-қызмет» ақпараттық жүйесімен жұмыс жасау;
ауданда азық-түлік қауіпсіздігін және агроөнеркәсіптік кешен салаларының тұрақты дамытуды, аграрлық өндірістің аймақтық бәсекеге қабілеттілігінің жаңа деңгейіне жетуге бағытталған жұмыстарды ұйымдастыру;
әлеуеметтік маңызы бар азық-түлік тауарларының бағаларына мониторинг жүргізу;
мал басын көбейту, асыл тұқымды мал шаруашылығын дамыту бағытындағы жұмыстарды ұйымдастыру;
аграрлық секторды басқарудың маркетингтің жүйесін жетілдіру, ауыл шаруашылығы тауар өндірушілеріне берілетін субсидиялардың алынуына ықпал ету, құжаттарын дайындау;
агроөнеркәсіп кешеніндегі меншіктің алуан түрлі нысандары мен шаруашылық жүргізу, жұмыс істеу жағдайларына экономикалық талдау жасау мақсатында оперативтік, статистикалық және бухалтерлік есеп алуға, оларды қаржы – экономикалық жағынан ретке салу (санация) немесе ұдайы шығынмен жұмыс істейтін шаруашылық субьектілерін тарату жөніндегі шараларға араласу;
ауылшаруашылығы тауар өндірушілерінің мүдделерін қорғауда, аграрлық сектордың қызметі үшін қолайлы жағдайлар туғызуға, әсіресе селода кіші және орта бизнесті дамытуға бағытталған қаржы, кредит саясатын жүзеге асыру жөніндегі жобалық ұсыныстарды әзірлеуге ықпал жасау;
шаруашылық жүргізуші субъектілердің жерді пайдалану және оның құнарлығын сақтауына бақылау жасауға, сонымен қатар ол жөніндегі мүдделі шараларды іске асыру;
балық шаруашылығын құруға, балық шаруашылығы су көздерін ауданның табиғат пайдаланушыларына бекітіп беру;
ауданның балық, орман шаруашылығы құрылымдарының экономикалық жағдайларына сараптама жасап, ауданда қоршаған ортаны қорғауға бағытталған шараларды жүзеге асыру, қажетті жағдайда шара алу үшін аудан әкімдікке ұсыныс беру;
аграрлық сектордың азаматтық қорғаныс, басқа да жұмылдырушылық шараларына басшылық жасау;
агроөнеркәсіп кешенінің барлық салаларының кәсіпорындары мен шаруашылық жүргізуші субьектілерінде өнімге қолданылып жүрген стандарттарды, технологиялық шарттарды сақтай отырып, өндірілетін, ұқсатылатын және өткізілетін ауылшаруашылық өнімдері сапасын бақылау;
шаруашылық субъектілеріндегі еңбекті қорғау, өрттен қорғану, машина–трактор паркінің техникалық жай–күйін қадағалауын жүзеге асыру;
машина-трактор паркінің техникалық пайдалану Ережелері бойынша нормативтері мен стандарттарының сақталуына бақылауды жүзеге асыруды қамтамасыз ету;
тракторлардың және олардың базасында жасалған өздігінен жүретін шассилер мен механизмдердің, монтаждалған арнайы жабдығы бар тіркемелерді қоса алғанда, олардың тіркемелерінің, өздігінен жүретін ауыл шаруашылығы, мелиоративтік және жол-құрылыс машиналары мен механизмдерінің, сондай-ақ жүріп өту мүмкіндігі жоғары арнайы машиналардың кепілін мемлекеттік тіркеу туралы куәлікті немесе телнұсқасын беру, немесе машина кепілінің тіркелгені туралы хабарлама беру;
тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тiркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүрiп өту мүмкiндiгi жоғары арнаулы машиналарды жыл сайынғы мемлекеттiк техникалық қарап-тексеруден өткiзу;
тракторларды және олардың базасында жасалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиорациялық және жол-құрылыс машиналары мен механизмдерін, сондай-ақ өтімділігі жоғары арнайы машиналарды мемлекеттік тіркеу (қайта тіркеу), тіркеу есебінен алу және олар үшін тіркеу құжатын (телнұсқасын) және мемлекеттік нөмірлік белгі беру мемлекеттік қызметін көрсету;
тракторларды және олардың базасында жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиорациялық және жол-құрылыс машиналары мен механизмдерін, сондай-ақ жүріп өту мүмкіндігі жоғары арнайы машиналарды басқару құқығына куәліктер беру;
мемлекеттік орган жұмысының сапасы мен өнімділігін арттыру мақсатында оның қызметінің бағыттары бойынша ішкі қаржылық бақылауды жүзеге асырады;
құқықтық қамтамасыз етудегі тапсырмалардың орындалуы бойынша жұмыстарды ұйымдастыру, нормативтік актілер, бұйрықтар, шешімдер және құқықтық нысандағы басқа да құжаттардың жобаларын дайындайды.
1) бөлім қызметін басқарады және оған жүктелген тапсырмалардың орындалуын қамтамасыз етеді;
2) бөлім қызметкерлерінің міндеттері мен өкілеттігін айқындайды;
3) бөлім қызметкерлерін қызметке тағайындайды және қызметтен босатады, тәртіптік жаза қолданады;
4) қолданыстағы заңнамаға сәйкес барлық органдарда және мекемелерде бөлімінің атынан өкілдік етеді;
5) аудан әкіміне бөлімнің Ережесін, құрылымын бекітуге ұсынады;
6) бөлімінің штат кестесін белгіленген қызметкер санына және төлемақы қорына сәйкес бекітеді;
7) заңнамамен белгіленген тәртіпте бөлім қызметкерлерін іссапарға жіберу, оларға демалыс беру, материалдық көмек көрсету, даярлау (қайта даярлау), біліктілігін арттыру, көтермелеу, үстемақы төлеу және сыйлықақы беру, тәртіптік жаза қолдану мәселелерін шешеді;
8) өз құзіреті шегінде бұйрықтар шығарады, нұсқаулар береді, бөлімнің қызметтік құжаттамасына, бұйрықтарына қол қояды;
9) оның құзырына жататын басқа мәселелер бойынша шешім қабылдайды;
10) бөлімдегі сыбайлас жемқорлыққа қарсы шаралар қолданады және сыбайлас жемқорлықтың алдын-алу үшін жасалатын шараларға дербес жауапты болады.
Мекеменің мүлкi оған меншік иесі берген мүлiк, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.