Қызылқоға ауданы әкімдігінің
2024 жылғы « _ » ____________
қаулысына қосымша
ЕРЕЖЕ
«Қызылқоға ауданы Қөздіғара ауылдық округі әкімінің аппараты» мемлекеттік мекемесі туралы
1-тарау. Жалпы ережелер
- «Қызылқоға ауданы Көздіғара ауылдық округі әкімінің аппараты» мемлекеттік мекемесі (бұдан әрі – әкім аппараты) ауылдық округ әкімінің (бұдан әрі – әкім) қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады.
- Әкім аппараты өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
- Әкім аппараты ұйымдық-құқықтық нысанындағы мемлекеттік мекеме ретінде заңды тұлға болып табылады, Қазақстан Республикасының заңнамасына сәйкес мемлекеттік тілде өз атауы бар мөрі мен мөртаңбалары, белгіленген үлгідегі бланкілері, қазынашылық органдарында шоттары болады.
- Әкім аппараты азаматтық-құқықтық қатынастарға өз атынан түседі.
- Әкім аппараты заңнамаға сәйкес мемлекеттің атынан азаматтық-құқықтық қатынастардың тарапы болуға құқылы.
- Әкім аппараты туралы Ереже және оның құрылымы аудан әкімдігімен бекітіледі.
- Әкім аппаратының толық атауы және заңды мекенжайы:
«Қызылқоға ауданы Көздіғара ауылдық округі әкімінің аппараты» мемлекеттік мекемесі.
060505, Қазақстан Республикасы, Атырау облысы, Қызылқоға ауданы, Қоныстану ауылы, Аманкелді Декеев көшесі, 34 үй.
- Ауылдық округ әкімінің аппараты аудан әкімдігімен құрылады, қайта ұйымдастырылады және таратылады.
- Әкім аппараты жергілікті бюджет есебінен қаржыландырылатын мемлекеттік мекеме болып табылады.
- Әкім аппаратына өз функциялары болып табылатын міндеттерді орындау бойынша кәсіпкерлік субъектілерімен шарттық қатынастарға түсуге тыйым салынады.
2-тарау. Ауылдық округ әкім аппаратының негізгі міндеттері, функциялары, құқықтары мен міндеттері
- Міндеттері:
Әкімнің қызметін ақпараттық-талдамалық, ұйымдық-құқықтық, материалдық-техникалық қамтамасыз ету, сондай-ақ жергілікті маңызы бар мәселелерді шешу.
- Функциялары:
- Әкім аппараты өз құзыреті шегінде:
жергілікті қоғамдастық жиналысын, ауыл, көше, көппәтерлі тұрғын үй тұрғындарының бөлек жиналыстарын ұйымдастыруды қамтамасыз етеді;
жергілікті қоғамдастық жиналысы мен жиынының өткізілетін уақыты, орны және қаралатын мәселелері туралы олар өткізілетін күннен кемінде он күн бұрын бұқаралық ақпарат құралдары немесе өзге тәсілдер арқылы хабарлайды;
жергілікті қоғамдастық жиналысында немесе жиынында қабылданған және ауылдық округ әкімі мақұлдаған шешімдердің орындалуын қамтамасыз етеді;
ауылдық округ бюджетін жоспарлауды және оның орындалуын қамтамасыз етеді;
жергілікті қоғамдастық жиналысына және аудан мәслихатына ауылдық округ бюджетінің орындалуы туралы есеп береді;
ауылдық округ бюджетін іске асыру туралы шешім қабылдайды;
жергілікті қоғамдастықты дамыту бағдарламасын әзірлейді және оны бекітуге ұсынады;
ауылдық округтің коммуналдық меншігіне жататын объектілерді салу, қайта жаңарту және жөндеу бойынша тапсырыс беруші ретінде әрекет етеді;
коммуналдық мүліктің мақсатты және тиімді пайдаланылуын бақылауды жүзеге асырады;
коммуналдық заңды тұлғаларға қатысты коммуналдық меншік субъектісінің құқықтарын жүзеге асырады;
коммуналдық мемлекеттік кәсіпорынға алынған мүлікті сақтау мерзімін белгілейді;
коммуналдық мүлік мәселелері бойынша мемлекеттің мүддесін білдіреді және меншік құқығын қорғайды;
сенімгерлік басқарушының міндеттемелерді орындауын бақылайды;
коммуналдық кәсіпорындардың даму жоспарларын орындауын бақылау және талдау жүргізеді;
коммуналдық мүлікті есепке алуды ұйымдастырады және тиімді пайдалануды қамтамасыз етеді;
- Жергілікті қоғамдастық жиналысымен келісу бойынша:
коммуналдық мүлікті басқару саласында құқықтық актілер жобаларын әзірлейді;
коммуналдық мүлікті басқарады және оны қорғау шараларын жүзеге асырады;
коммуналдық мүлікті жекешелендіру туралы шешім қабылдайды;
коммуналдық кәсіпорындардың қызметінің мәні мен мақсаттарын айқындайды;
коммуналдық заңды тұлғалардың мүлкін алып қою немесе қайта бөлу жүргізеді;
артық немесе пайдаланылмайтын мүлікті алып қояды;
мүлікті жалға, сенімгерлік басқаруға береді;
коммуналдық заңды тұлғаларды құру, қайта ұйымдастыру, атауын өзгерту және тарату туралы шешім қабылдайды;
коммуналдық кәсіпорындарға мүлікке қатысты келісім береді;
коммуналдық заңды тұлғалардың жарғыларын бекітеді;
қызметтің басым бағыттарын айқындайды;
коммуналдық кәсіпорындардың даму жоспарларын бекітеді;
коммуналдық мүлікті пайдалану туралы шешім қабылдайды;
коммуналдық мүлікті бекітеді;
коммуналдық мүлікті иеліктен шығару туралы шешім қабылдайды;
Қазақстан Республикасының заңнамасына сәйкес өзге де өкілеттіктерді жүзеге асырады.
- Құқықтары:
қажетті ақпарат пен құжаттарды сұратуға;
мүліктік және мүліктік емес құқықтарды жүзеге асыруға;
ақпараттық базаларды пайдалануға;
шарттар мен келісімдер жасауға;
заңнамада көзделген өзге де құқықтарға ие.
- Міндеттері:
халыққа мемлекеттік қызметтерді сапалы көрсету;
Президент, Үкімет, әкімдер мен өзге органдардың актілерін уақытылы орындау;
заңнамада көзделген өзге міндеттерді орындау.
3-тарау. Әкім аппараты қызметін ұйымдастыру
- Әкім аппаратын әкім басқарады.
- Әкімнің өкілеттіктері:
аппарат жұмысын ұйымдастырады;
жергілікті қоғамдастық шешімдерін қарайды және орындалуын қамтамасыз етеді;
қызметкерлерді жұмысқа қабылдайды;
қаржы жоспарларын бекітеді;
тұрғын үй қорын түгендейді;
апатты тұрғын үйлерді бұзуды ұйымдастырады;
микронесиелеуге жәрдем көрсетеді;
заңнамада көзделген өзге де өкілеттіктерді жүзеге асырады.
- Әкімнің орынбасары болуы мүмкін.
- Әкім оның өкілеттіктерін айқындайды.
- Әкім қызметкерлердің әдеп нормаларын сақтауын қамтамасыз етеді.
- Әкімдер әкімшілік құқық бұзушылықтар бойынша істерді қарайды және заңнамада көзделген тәртіппен әкімшілік жазалар қолданады.
4-тарау. Әкім аппаратының мүлкі
- Әкім аппараты заңнамада көзделген жағдайларда жедел басқару құқығындағы мүлікке ие болуы мүмкін.
Мүлік меншік иесі берген мүліктен және өз қызметі нәтижесінде алынған мүліктен қалыптасады.
- Әкім аппаратына бекітілген мүлік ауылдық округтің коммуналдық меншігі болып табылады.
- Әкім аппараты жергілікті қоғамдастық жиналысымен келісу бойынша мүлікке билік ете алады.
5-тарау. Қайта ұйымдастыру және тарату
- Әкім аппаратын қайта ұйымдастыру және тарату Қазақстан Республикасының заңнамасына сәйкес жүзеге асырылады.