2026-2028 жылдарға арналған аудандық бюджет туралы

          Миялы ауылы                                                                                                         село Миялы                                                                                                               

 

2026-2028 жылдарға арналған аудандық бюджет туралы

 

 

Қазақстан  Республикасының  2025  жылғы  15  наурыздағы   Бюджет Кодексінің 7 бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан  Республикасының                   2001 жылғы 23 қаңтардағы Заңының 6 бабының 1 тармағының   1) тармақшасына сәйкес және аудан әкімдігімен ұсынылған 2026-2028 жылдарға арналған аудандық бюджет жобасын қарап, VIІІ шақырылған Қызылқоға аудандық мәслихаты ШЕШІМ ҚАБЫЛДАДЫ:

1. 2026-2028 жылдарға арналған аудандық бюджет тиісінше 1, 2 және 3-қосымшаларға сәйкес, оның iшiнде 2026 жылға мынадай көлемде бекітілсін:

1) кірістер – 19 311 507 мың теңге, оның ішінде:

         салықтық түсімдер – 2 657 958 мың теңге;     

         салықтық емес түсімдер – 45 026 мың теңге;

         негізгі капиталды сатудан түсетін түсімдер – 8 555 мың теңге;

  трансферттердің түсімдері – 16 599 968 мың теңге;

2) шығындар – 19 311 507 мың теңге;

3) таза бюджеттік несиелендіру – 69 199 мың теңге, оның ішінде:

бюджеттік несиелер – 69 199 мың теңге;

бюджеттік несиелерді өтеу – 0 теңге.

4) қаржы активтерімен операциялар бойынша сальдо –  0 теңге, оның ішінде:

қаржы  активтерін сатып алу – 0 теңге;

мемлекеттің  қаржы активтерін сатудан түсетін  түсімдер – 0 теңге;

5) бюджет тапшылығы (профициті) – - 69 199 мың теңге;

  6) бюджет тапшылығын қаржыландыру (профицитін пайдалану)                     – 69 199 мың теңге, оның ішінде:

  қарыздар түсімі – 69 199 мың теңге;

қарыздарды  өтеу – 0 теңге;

  бюджет қаражатының пайдаланылатын қалдықтары – 0 теңге.

2. Облыстық бюджеттен аудан  бюджетіне  берілетін  субвенция көлемі  2026 жылға – 6 358 120 мың теңге сомасында белгіленсін.
3. Аудандық бюджеттен ауылдық округтер бюджеттеріне берілетін субвенциялар көлемдері 2026 жылға 1 086 528 мың теңге сомасында, оның ішінде:

         Миялы ауылдық округіне – 67 876 мың теңге;

         Ойыл ауылдық округіне – 134 796 мың теңге;

         Тасшағыл ауылдық округіне – 134 544 мың теңге;

         Сағыз ауылдық округіне – 151 647 мың теңге;

         Мұқыр ауылдық округіне – 96 177 мың теңге;

         Көздіғара ауылдық округіне – 115 186 мың теңге;

         Қызылқоға ауылдық округіне – 81 936 мың теңге;

         Жамбыл ауылдық округіне – 108 479 мың теңге;

         Жангелдин ауылдық округіне – 119 665 мың теңге;

         Тайсойған ауылдық округіне – 76 222 мың теңге көзделсін.

4. 2026 жылға аудандық бюджетте ауылдық елдi мекендерде жұмыс iстеу және тұру үшін келген денсаулық сақтау, білім беру, әлеуметтiк қамсыздандыру, мәдениет, спорт және агроөнеркәсіптік кешен саласындағы мамандарға, ауылдық округтер әкімдері аппараттарының мемлекеттік қызметшілеріне жүз еселік айлық есептік көрсеткіш мөлшерінде бір жолғы көтерме жәрдемақы және ауданның әкімшілік орталығы болып табылатын ауылдық елді мекендерге келген мамандар үшін айлық есептік көрсеткіштің екі мың бес жүз еселенген мөлшерінде, ауылдық елді мекендерге келген мамандар үшін айлық есептік көрсеткіштің екі мың еселенген мөлшерінде тұрғын үй сатып алуға немесе салу үшін бюджеттік кредиттер көзделгені ескерілсін.
5. 2026 жылға жергілікті атқарушы органдарының резерві 59 395 мың теңге сомасында бекітілсін.
6. 2026 жылға арналған аудандық бюджетте мамандарды және ауылдық округтер әкімдері аппараттарының мемлекеттік қызметшілерін әлеуметтік қолдау шараларын іске асыру үшін жергілікті атқарушы органдарға – 69 199 мың теңге сомасында бюджеттiк кредиттер көзделгенi ескерiлсiн.
7. Осы шешімнің орындалуын бақылау аудандық мәслихаттың бюджет, қаржы, экономика, кәсіпкерлікті дамыту, аграрлық мәселелер және экология жөніндегі тұрақты комиссияға жүктелсін.
8. Осы шешім 2026 жылдың 1 қаңтарынан бастап қолданысқа енгiзiледi.

 

 

Аудандық мәслихат төрағасы

Т.Бейсқали

 

 

Дата публикации

19 января 2026