«ТҮНГІ МЕЗГІЛДЕГІ БАЛАЛАР» АТТЫ РЕЙД ҰЙЫМДАСТЫРЫЛДЫ
Аудандық кәмелетке толмағандар істері және олардың құқықтарын қорғау жөніндегі комиссиямен, мектеп әкімшілігі, ауылдық округ әкімшілігінің мамандары бірлескен түрде 2020 жылдың қазан-қараша айларында аудан бойынша «Түнгі мезгілдегі балалар» атты рейд ұйымдастырылды.
Мақсаты - кәмелеттік жасқа толмаған жасөспірімдердің қауіпсіздігін, балалар құқығының қорғалуын қамтамасыз ету, түнгі сағат 23.00-ден кейін көшеде заңды өкілінсіз жүрмеуін көшедегі ауыл тұрғындарының (ата-аналардың) есіне салу.
Сондай-ақ, түнгі клубта, ойын-сауық орындарында, компьтерлік клубтарда жүрген оқушыларды анықтап, оларға ескерту жасау.
Рейд кезінде есепте тұрған жайсыз отбасының мекен-жайлары бойынша тексерілді. Сонымен қатар түнгі мезгілде көшеде жүрген кәмелеттік жасқа толмаған жасөспірімдерді, жастар көп жиналатын орындар тексерілді.
Кәмелеттік жасқа толмаған балалары беймезгіл уақытта көшеде, ойын-сауық орындарында жүрген жағдайда, ата-ана әкімшілік жауапкершілікке тартылады. Бірінші рет ескерту, екінші рет қайталанса, 3 айлық есептік көрсеткіш көлемінде айыппұл салынатыны туралы мектеп әкімшілігі мен полиция қызметкерлері жиналыстарда ата –аналарға алдын ала ескерткен болатын.
Содан болар түнгі 11-ден кейін ата-анасының қарауынсыз жүрген жасөспірімдердің саны азайды. Бұл жасалып жатқан кешенді жұмыстардың нәтижесі.