Қызылқоға ауданы Сағыз ауылы аумағында жолаушылар мен жүкті тұрақты тасымалдаудың бірыңғай тарифін және Қызылқоға ауданы азаматтарының жекелеген санаттарына ауылдық, ауданішілік қоғамдық көлікте (таксиден басқа) жол жүру үшін жеңілдіктер белгілеу туралы

 

 

 

 

 

 

 

 

 

Қызылқоға ауданы Сағыз ауылы аумағында жолаушылар мен жүкті тұрақты тасымалдаудың бірыңғай тарифін және Қызылқоға ауданы азаматтарының жекелеген санаттарына ауылдық, ауданішілік қоғамдық көлікте (таксиден басқа) жол жүру үшін жеңілдіктер белгілеу туралы

 

 

«Қазақстан Республикасындағы жергілікті мемлекеттік басқару және өзін-өзі басқару туралы» Заңының 31, 37, 6-бабы 1-тармағының 15) тармақшасына , «Автомобиль  көлігі туралы» Заңының 19, 20-бабы 1-тармағы 4,6-тармақшаларына, «Тұрақты маршруттар бойынша жолаушылар мен багажды тасымалдау жөнінде қызмет көрсетуге тарифтер есептеу әдістемесін бекіту туралы» №614 бұйрығына, «Қазақстан Республикасындағы көлік туралы» Қазақстан Республикасы Заңының 13-бабына сәйкес, Қызылқоға ауданы әкімі ҚАУЛЫ ЕТЕДІ және Қызылқоға аудандық мәслихаты ШЕШТІ:

1. Сағыз ауылдық округі аумағында жолаушылар мен жүкті тұрақты автомобиль тасымалдауына жолаушының бір реттік жол жүру ақысы 50 (елу) теңге мөлшерінде бірыңғай тариф белгіленсін.
2. Қызылқоға ауданы бойынша қоғамдық көліктерге, азаматтардың келесі санаттарына ауылішілік, ауданішілік қоғамдық көлікте (таксиден басқа) тегін жол жүру түріндегі жеңілдік белгіленсін:

1) басқа мемлекеттердің аумағындағы ұрыс қимылдарының ардагерлеріне;

2) жеңілдіктер бойынша Ұлы Отан соғысының ардагерлеріне теңестірілген ардагерлерге;

3) «Алтын алқа» және «Күміс алқа» алқаларымен наградталған немесе бұрын «Батыр Ана» атағын алған, сондай-ақ І және ІІ дәрежелі «Ана даңқы» ордендерімен наградталған көпбалалы аналарға;

4) бірінші топтағы мүгедектігі бар адамдарға;

3. Қызылқоға ауданы бойынша қоғамдық көліктерге, азаматтардың келесі санаттарына ауылішілік, ауданішілік қоғамдық көлікте (таксиден басқа) жол жүру үшін бекітілген тариф құнының 50% мөлшерінде жол жүру жеңілдігі белгіленсін:

1) 7 мен 15 жас аралығындағы балалар;

2) 15 пен 18 жасқа дейінгі адамдар.

4. Әлеуметтік маңызы бар ауылішілік тұрақты тасымалдау маршруттарында (таксиден басқа) адамдардың жекелеген санаттары үшін тегін жол жүру құқығын қоса алғанда, белгіленген жеңілдіктерді қаржыландыру облыстық бюджеттен қарастырылсын.
5. Осы бірлескен Қызылқоға ауданының әкімінің қаулыcы мен Қызылқоға аудандық мәслихатының шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
6. Осы қаулының орындалуын бақылау Қызылқоға ауданы әкiмiнiң жетекшілік ететін орынбасарына жүктелсін.
7. Осы қаулы оның алғашқы ресми жарияланған күнінен бастап қолданысқа енгізіледі.

 

 

Аудан әкімі

Қ.Әзмұханов

 

 

Қызылқоға ауданы Мәслихатының төрағасы

Т.Бейсқали

 

Дата публикации

07 ноября 2025