Қоғамдық көліктерге мемлекет тарапынан субсидия төлеу
Қазіргі таңда қоғамдық көлік ауылдық және өңірлік инфрақұрылымның ажырамас бөлігі. Халықтың күнделікті қозғалысын қамтамасыз ету, экологиялық жүктемені азайту және әлеуметтік теңдікті сақтау мақсатында көптеген елдерде, соның ішінде Қазақстан Республикасында да, мемлекет тарапынан қоғамдық көліктерге субсидия төленеді.
Қоғамдық көліктерге субсидия бұл тасымалдаушыларға мемлекет тарапынан төленетін қаржылай көмек. Оның басты мақсаты тұрғындарға қолжетімді тарифпен сапалы көлік қызметін ұсыну. Әсіресе, әлеуметтік тұрғыдан осал топтар (зейнеткерлер, студенттер, оқушылар, көпбалалы аналар және т.б.) үшін жол ақысының төмен деңгейін сақтау маңызды. Мысалы, ауылішілік бағыттар бойынша субсидия билеттік табыстар мен нақты шығындардың айырмашылығын жабуға бағытталады. Ал ауылдық қатынастарда субсидия әлеуметтік маңызы бар бағыттарды сақтауға мүмкіндік береді. Тасымалдаушы ұйым мемлекеттік немесе жергілікті органмен келісімшарт жасайды. Тасымалдаушы нақты атқарылған рейстер мен жолаушы ағыны бойынша есеп ұсынады. Уәкілетті орган табыстар мен шығындарды салыстырып , айырмашылықты субсидия түрінде өтейді. Субсидиялау жүйесінің тиімділігі көбіне деректердің нақтылығына, тариф саясатының ашықтығына және мониторинг сапасына тәуелді. Кей өңірлерде нақты тасымал көлемі мен есептік көрсеткіштер арасында айырмашылықтар кездеседі.
Қоғамдық көліктерге субсидия төлеу бұл жай ғана қаржылай көмек емес, ол ауылдық өмір сапасын арттырудың және әлеуметтік әділеттілікті сақтаудың құралы. Мемлекет тарапынан қолдау көрсетілуі арқасында жолаушыларға қолайлы, қауіпсіз және қолжетімді көлік инфрақұрылымын дамыту мүмкін болып отыр.