Қызылқоға ауданы әкімдігінің 2023 жылғы 25 желтоқсандағы №243 «Қызылқоға ауданы бойынша коммуналдық көрсетілетін қызметтерді ұсынудың Қағидаларын бекіту туралы» қаулысына өзгеріс енгізу туралы

Қызылқоға ауданы әкімдігінің 2023 жылғы 25 желтоқсандағы №243 «Қызылқоға ауданы бойынша коммуналдық көрсетілетін қызметтерді ұсынудың Қағидаларын бекіту туралы» қаулысына өзгеріс енгізу туралы

 

Қазақстан Республикасының 2025 жылғы 15 шілдедегі «Қазақстан Республикасының кейбір заңнамалық актілеріне тұрғын үй-коммуналдық шаруашылық, кәсіпкерлік және экспорттық-кредиттік агенттіктің қызметі мәселелері бойынша өзгерістер мен толықтырулар енгізу туралы» Заңының 1-бабының 7) тармағына, «Коммуналдық көрсетілетін қызметтердің тізбесін және коммуналдық көрсетілетін қызметтерді ұсынудың үлгілік қағидаларын бекіту туралы» Қазақстан Республикасы Индустрия және инфрақұрылымдық даму министрінің міндетін атқарушының 2020 жылғы 29 сәуірдегі № 249 бұйрығына өзгерістер мен толықтырулар енгізу туралы» Қазақстан Республикасы Өнеркәсіп және құрылыс министрінің 2025 жылғы 29 тамыздағы №336 бұйрығына сай, Қызылқоға ауданы әкімдігі ҚАУЛЫ ЕТЕДІ:

1. Қызылқоға ауданының коммуналдық көрсетілетін қызметтерді
   ұсыну қағидалары осы қаулының қосымшасына сәйкес өзгертілсін.
2. «Қызылқоға аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі» мемлекеттік мекемесі Қазақстан Республикасының заңнамасында белгіленген тәртіппен қамтамасыз етсін:

1) осы қаулының өзгерісін Қазақстан Республикасы нормативтік құқықтық актілерінің эталондық бақылау банкінде ресми жариялауға жіберу;

2) осы қаулының өзгерісін Қызылқоға ауданы әкімдігінің интернет-ресурсына орналастыру.

3. Осы қаулының орындалуын бақылау жетекшілік ететін Қызылқоға ауданы әкімінің орынбасарына жүктелсін.
4. Осы қаулы оның алғашқы ресми жарияланған күнінен кейін қолданысқа енгізіледі.

 

 

Аудан әкімі

Қ.Әзмұханов

Дата публикации

14 октября 2025