«БЖЗҚ» АҚ (бұдан әрі – БЖЗҚ) Қазақстан Республикасы Ұлттық Банкінің (бұдан әрі – ҚРҰБ) және инвестициялық портфельді басқарушылардың (бұдан әрі – ИПБ) зейнетақы активтерін басқаруы туралы есепті БЖЗҚ-ның ресми сайтында «Көрсеткіштер – Инвестициялық қызмет» бөлімінде ұсынады.
2025 жылғы 1 наурыздағы жағдай бойынша ҚРҰБ мен ИПБ басқаруындағы зейнетақы активтерінің жалпы көлемі 22 650,19 млрд теңгені құрады.
Осы күнге қарай ҚРҰБ-ның сенімгерлік басқаруындағы, міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ) және ерікті зейнетақы жарналары (ЕЗЖ) есебінен қалыптастырылған БЖЗҚ зейнетақы активтерінің көлемі шамамен 22 278,12 млрд теңгені құрады¹.
Жұмыс берушінің міндетті зейнетақы жарналары (ЖМЗЖ) есебінен қалыптастырылған және ҚРҰБ-ның сенімгерлік басқаруындағы зейнетақы активтерінің көлемі 308,83 млрд теңгені құрады.
Инвестициялық портфельді басқарушылардың (ИПБ) басқаруындағы зейнетақы активтерінің көлемі 63,23 млрд теңгеден асты.
¹ Зейнетақы жарналары мен төлемдер шоттарындағы қаражат есепке алынбаған.