Ойыл ауылдық округі жергілікті қоғамдастық жиынының
ХАТТАМАСЫ.
Жасқайрат ауылы 27 қараша 2020 жыл
Ойыл ауылдық округінде 27 қараша күні сағат 15.00-де қоғамдастық жиыны болып өтті. Жиынға 13 қоғамдық мүшесі қатысты.
Жиналыс төрағалығына И.Конаров, хатшылығына Б.Жанкуатов ұсынылып, бірауыздан сайланды.
Жиналысты одан әрі төраға И.Конаров жүргізіп отырды.
Күн тәртібінде:
Тындалды:
Күн тәртібіндегі мәселе бойынша округ әкімі М.Жексенов хабарлама жасады.
Құрметті жиынға қатысушылар. Күн тәртібіндегі бірінші мәселе бойынша «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасындағы 2001 жылғы 23 қаңтардағы Заңының 31-бабына, «Мемлекеттік мүлік туралы» Қазақстан Республикасының кейбір заңнамалық актілеріне Қазақстан Республикасының әкімшілік-аумақтық құрылысы, мемлекеттік басқару жүйесін, бюджетаралық қатынастарды жетілдіру, кредиттеу және білім беру мәселелері бойынша өзгерістер мен толықтырулар енгізу туралы» Қазақстан Республикасының 2019 жылғы 27 желтоқсандағы Заңын іске асыру мақсатында аудан әкімі Н.Бисембиевтің 2020 жылы 6 қарашада №269-шы қаулысы шыққан болатын. Қаулыда аудандық коммуналдық меншіктегі «Қызылқоға аудандық білім бөлімі» мемлекеттік мекемесіне қарасты кейбір коммуналдық мемлекеттік мекемелер мен қазыналық кәсіпорындар мүліктік кешен ретінде алынып, Атырау облысының коммуналдық меншігіне берілсін делінген. Соған сәйкес «Өрімтал» бөбекжай балалар бақшасын Атырау облысының коммуналдық меншігіне беру үшін сіздермен қоғамдастық жиынын өткізіп отырмыз. Осы жиында 2021 жылы «Өңірлерді дамыту» бағдарламасы бойынша жасалатын жұмыстарды және 2021 жылға арналған кіріс-шығыс жоспарын бекіту жұмыстарын да қарап отырмыз.
Жиын барысында сөйлеген қоғамдастық мүшелері келісетіндіктерін білдіріп, шешім қабылдады.
Ойыл ауылының қоғамдастық жиыны күн тәртібіндегі мәселені талқылай келе Қаулы етеді:
Жиналыс төрағасы И.Конаров
Жиналыс хатшысы Б.Жанкуатов