Атырау облысының Құрманғазы және Исатай аудандарында қайта жаңғыртылған Ганюшкино және Аққыстау теміржол вокзалдары пайдалануға берілді. Салтанатты ашылу рәсіміне Атырау облысы әкімінің орынбасары Қайрат Нұртаев, «Қазақстан теміржолы ҰК» АҚ «Атырау магистральдық желі бөлімшесі» филиалының директоры Аралбай Қосымбаев қатысты,- деп хабарлайды Өңірлік коммуникациялар қызметі.
– Мемлекет басшысының тапсырмасына сәйкес елімізде көлік саласын жаңғыртуға ерекше көңіл бөлінуде. Республика бойынша 100-ден астам теміржол вокзалы жаңғыртылып жатса, соның тоғызы Атырау облысында. Бүгінде заманауи талаптарға сай жабдықталған, жолаушыларға қолайлы жағдай жасалған жаңа вокзалдар пайдалануға беріліп отыр. Бұл – өңір тұрғындарының өмір сүру сапасын арттырып, көлік қатынасының қолжетімділігі мен қызмет көрсету деңгейін жақсартуға бағытталған маңызды жоба, – деді Қайрат Нұртаев.
Ганюшкино теміржол вокзалы – Қазақстанның батыс қақпасындағы маңызды көлік тораптарының бірі. Ал Аққыстау вокзалы ұзақ жылдар бойы аудан тұрғындары мен жолаушыларға қызмет көрсетіп келеді. Қайта жаңғырту нәтижесінде екі нысан да заманауи стандарттарға сәйкестендірілді. Вокзалдарда мүгедектігі бар азаматтар мен балалы аналарға арналған арнайы бөлмелер қарастырылып, жолаушыларға қолайлы жағдай жасалды. Жоба «Қазақстан темір жолы» ұлттық компаниясы» акционерлік қоғамының қаражаты есебінен жүзеге асырылды. Салтанатты жиында Қайрат Нұртаев мердігер ұйым – «Батысстройсервис» компаниясының ұжымына өңірдің көлік инфрақұрылымын дамытуға қосқан үлесі үшін алғыс білдіріп, құрылыс жұмыстарына атсалысқан мамандардың еңбегін жоғары бағалады. Сондай-ақ аудан теміржолшылары мен құрылыс компаниясының бірқатар қызметкеріне облыс әкімінің Алғыс хаттары табысталды. Айта кетейік, былтыр Атырау облысында тоғыз теміржол вокзалын жаңғырту және қайта салу жұмыстары басталған болатын. Бүгінде Атырау, Мұқыр және Жамансор вокзалдарында реконструкциялау жұмыстары жалғасуда. Сонымен қатар Сағыз, Доссор және Исатай елді мекендерінде жаңа вокзал ғимараттарының құрылысы жүргізіліп жатыр. Барлық жобаны жыл соңына дейін аяқтап, пайдалануға беру жоспарланған.
Осы жылдың бірінші жартыжылдығында Сағыз, Мақат, Доссор, Аққыстау, Исатай және Ақкөл вокзалдарындағы қайта жаңғырту жұмыстары аяқталады деп жоспарлануда.
Жыл соңына дейін Атырау, Мұқыр және Жамансор вокзалдарындағы қайта жаңғырту жұмыстары аяқталады.
Құрылыс нысандарын Атырау облысы әкімінің орынбасары Қайрат Нұртаев сала басшыларымен бірге аралап, жұмыстардың сапалы атқарылуын тапсырды.
Жобалар EPS контракт негізінде жүзеге асырылуда. Құрылыс және жөндеу барысында заманауи талаптар мен стандарттар толық ескерілген. Сондай-ақ, мүмкіндігі шектеулі азаматтарға қолжетімді орта қалыптастыруға ерекше назар аударылған.
Атырау облысының аумағында жалпы саны 16 теміржол вокзалы бар. Олардың барлығы Қазақстан Темір Жолы акционерлік қоғамының теңгерімінде.
2025 жылдың қыркүйек айынан бастап Үкімет басшысының тапсырмасына сәйкес, «Қазақстан Темір Жолы» АҚ мен Атырау облысы әкімдігі бірлесіп 9 вокзалда жөндеу және жаңғырту жұмыстарын қолға алды.
Талдыкөл ауылына кірме автомобиль жолының 6,3 км күрделі жөндеуі, Сарайшық ауылының 13,7 км ауылішілік жолдары, Жалғансай ауылындағы 9,6 км жол және Тандай ауылындағы 6,1 км ауылішілік автомобиль жолдары (жаяу жүргіншілер жолдарымен бірге) қамтылып отыр.
Сонымен қатар, Махамбет ауылындағы 1-кезең (11,3 км) және 3-кезең (18,3 км) жол құрылысы, Ақтоғай ауылына кірме 2,2 км жол, Есбол ауылындағы 2 км, Еңбекшіл ауылындағы 1 км, Ортақшыл ауылындағы 3,2 км және Алға ауылындағы 5,1 км жолдарға күрделі жөндеу жұмыстары жүргізілуде.
Бұл нысандарға Атырау облысы әкімінің орынбасары Қайрат Нұртаев сала басшыларымен бірге Махамбет ауданына жұмыс сапары барысында барып, бірқатар инфрақұрылымдық нысанды аралады.
Жүргізіліп жатқан барлық жол құрылысы жұмыстары облыс әкімінің орынбасары Қайрат Нұртаевтың тұрақты бақылауында. Нысандардың сапалы әрі белгіленген мерзімде аяқталуы сала мамандары тарапынан қадағаланып отыр.
Облыстық маңызы бар «Атырау — Индер» автомобиль жолын күтіп ұстау бағдарламасы аясында жоспарлы жұмыстар басталды. Бүгінде жол бойында санитарлық жағдайды жақсарту мақсатында жаңа қоқыс жәшіктері орнатылып, асфальт бетіндегі жарықтарды жабу жұмыстары жүргізілуде.
Сонымен қатар, келесі аптадан бастап жолдың зақымдалған бөліктерінде шұңқырларды жөндеу (ямочный ремонт) жұмыстары басталады деп жоспарлануда.
Аталған шаралар жол жабынының сапасын сақтау, көлік қозғалысының қауіпсіздігін қамтамасыз ету және жолаушыларға қолайлы жағдай жасауға бағытталған.
2025 жылдың 05 мамырдағы «Жолаушылар мен багажды автомобильмен облысаралық № 1 лот «Атырау–Ақтау-Атырау», тұрақты тасымалдаудың маршруттарына қызмет көрсету құқығына конкурс ұйымдастыру және өткізу комиссия» отырысының № 2 хаттамасына сәйкес, «Caspian Trans Corporation» ЖШС-гі жеңімпаз болып танылғандығын хабарлайды.
2024 жылдың 9 желтоқсандағы «Жолаушылар мен багажды автомобильмен облысішілік № 1 лот №96 «Атырау–Құрманғазы-Атырау», тұрақты тасымалдаудың маршруттарына қызмет көрсету құқығына конкурс ұйымдастыру және өткізу комиссия» отырысының № 1 хаттамасына сәйкес, «Akzhayik Avtopark» ЖШС-гі жеңімпаз болып танылғандығын хабарлайды.
Хабарландыру!!!
Жолаушылар мен багажды автомобильмен республикаішілік тұрақты
тасымалдау маршрутына қызмет көрсету құқығына арналған конкурсты өткiзу туралы
-№ 1 лот облысішілік «№96 Атырау-Құрманғазы-Атырау» маршруты
«Атырау облысы Жолаушылар көлігі және автомобиль жолдары басқармасы» ММ-сі 2024 жылы желтоқсан айының «2» сағат 11:00-де жоспарланған жолаушылар мен багажды автомобильмен республикаішілік тұрақты тасымалдау маршруттарына қызмет көрсету құқығына арналған конкурсты өткізу күні конкурс комиссия төрағасының белгілі себептермен қатыса алмауына орай, мерзімі және уақыты 2024 жылдың 9 желтоқсан сағат 10:30-ға өзгертілгендігін хабарлайды.
Мекен-жайы:Атырау облысы әкімдігі Әйтеке би, 77, 5 қабат, 504 бөлмесі.
Анықтама алу үшiн телефондар:8 7122 32-02-60, 87784370780, 87017915598.