Меню
1) коммуналдық мүлік объектілерін басқарудың және жекешелендірудің мемлекеттік саясатын іске асыру;
2) коммуналдық мүлікті заңнамада белгіленген тәртіппен мақсатты және тиімді пайдалану;
Мемлекеттік сатып алуға жосықсыз қатысушылар тізілімі: 1) біліктілік талаптары және (немесе) конкурстық баға ұсынысына әсер ететін құжаттар бойынша анық емес ақпарат
берген әлеуетті өнім берушілердің немесе өнім берушілердің; 2)жеңімпаздар деп айқындалған, мемлекеттік сатып алу туралы шарт жасасудан жалтарған әлеуетті өнім
берушілердің; 3) өздерімен жасалған мемлекеттік сатып алу туралышарттар бойынша өз міндеттемелерін орындамаған не тиісті түрде орындамаған өнім берушілердің тізбесін
білдіреді.
Қысқа жауап:
1-қадам: Сауда-саттыққа қатысу үшін тіркелу
- Алдымен, аукцион немесе тендерге қатысу үшін электрондық цифрлық қолтаңба (ЭЦҚ) керек болады.
- Өтінімді тізілімнің веб-порталында тіркеу қажет. Бұл жерде өзіңіздің аукционға немесе тендерге қатысуға дайын екеніңізді көрсетесіз.
2-қадам: Қажетті құжаттарды ұсыну
- Сауда-саттыққа қатысушы ретінде, Сіздің тендер шартымен келісетініңізді және баға ұсынысын көрсететін құжаттарды ұсыну керек.
- Құжаттарды электрондық түрде тіркейсіз. Мысалы:
- Талап етілетін қосымша құжаттарды яғни жеке басын куәландыратын және қаржылық жағдайды растайтын құжаттарды сканерлеп, тіркеу қажет.
3-қадам: Кепілдік жарнаны төлеу
- Тендерге немесе аукционға қатысу үшін кепілдік жарна төлеу керек.
- Бұл жарна жекешелендіру объектісінің бастапқы бағасының 15%-ын құрайды.
4-қадам: Құжаттарды түпнұсқа күйінде ұсыну
- Егер сіз жеңімпаз болсаңыз, сатып алу-сату шартына қол қойылған кезде құжаттардың түпнұсқасын немесе нотариус арқылы куәландырылған көшірмелерін сатушыға ұсыну қажет.
- Мысалы, жеке тұлға үшін — паспорттың түпнұсқасы немесе жеке басын куәландыратын басқа құжат.
- Заңды тұлға үшін — мемлекеттік тіркеу куәлігі және өкілеттілікті растайтын құжаттар.
5-қадам: Сатып алу-сату шарты
- Сауда-саттықтың нәтижелері туралы хаттама дайындалады. Бұл құжатта сіздің жеңімпаз болғаныңыз расталады.
- Хаттамаға қол қойылған күннен бастап он күн ішінде сатып алу-сату шартын жасау керек.
6-қадам: Сауда-саттық нәтижелері
- Егер Сіз жеңіп шықсаңыз, сатып алу-сату шартын сатушымен электронды түрде жасайсыз.
- Сатушы сатып алушыға шартты бес жұмыс күні ішінде ұсынуы керек.
- Шартқа екі жақ та ЭЦҚ қолтаңбасымен қол қоюы тиіс.
Толық жауап:
Қазақстан Республикасы Үкіметінің 2011 жылғы 9 тамыздағы № 920 қаулысымен бекітілген «Жекешелендіру объектілерін сату қағидасының »3- тарауының 29 - тармағына сәйкес аукционға, тендерге қатысушы ретінде тіркелу үшін осы Қағидаға қосымшаға сәйкес нысан бойынша қатысушының ЭЦҚ қойылған сауда-саттыққа қатысуға өтінімді тізілімнің веб-порталында тіркеу қажет.
Тендерге қатысушылар сауда-саттық шартымен келісетінін қамтитын өтінімді және тізілімнің арнайы бөлінген веб-парақшасында электрондық конвертке жүктелетін баға ұсынысын сауда-саттық өткізілетіні туралы хабарламада көрсетілген, қатысушыларға (сатып алушыға) қойылатын қосымша талаптарға сәйкестігін растайтын құжаттардың электрондық (сканерленген) көшірмелерімен қоса тіркейді.
Қағиданың 30 тармағына сәйкес аукционның, тендердің жеңімпазы сатып алу-сату шартына қол қойған кезде сатушыға мынадай құжаттардың көшірмелерін, оларды салыстырып тексеру үшін міндетті түрде түпнұсқаларын не нотариат куәландырған көшірмелерін ұсынады:
1) жеке тұлғалар үшін: паспорттың немесе жеке тұлғаның жеке басын куәландыратын құжат;
2) заңды тұлғалар үшін: заңды тұлғаны мемлекеттік тіркеу (қайта тіркеу) туралы куәлік не анықтама;
заңды тұлға өкілінің өкілеттіктерін куәландыратын құжат, сондай-ақ заңды тұлға өкілінің паспорты немесе оның жеке басын куәландыратын құжат;
мемлекетке тиесілі акцияларды сатқан кезде – қатысушының акцияларына иелік ететін (хабарлама жарияланған сәтте) акционерлік қоғамдар туралы ақпаратты қамтитын акционерлер тізілімінен үзінді-көшірме.
Шетелдік заңды тұлғалар қазақ және/немесе орыс тілдерінде нотариат куәландырған аудармасы бар құрылтай құжаттарының нотариат растаған көшірмелерін ұсынады.
Тендердің жеңімпазы сатып алу-сату шартына қол қойған кезде сатушыға да өтінімге қоса берілген құжаттардың түпнұсқаларын не нотариат куәландырған көшірмелерін ұсынады.
Құжаттардың түпнұсқалары салыстырылып тексерілгеннен кейін бір жұмыс сағаты ішінде қайтарылады.
Қағиданың 20- тармағына сәйкес сауда-саттыққа қатысу үшін жеке немесе мемлекеттік емес заңды тұлға енгізетін кепілдік жарна жекешелендіру объектісінің алғашқы бағасының он бес пайызын құрайды.
Қағиданың 68 -тармағына сәйкес сауда-саттық нәтижелерi туралы хаттама тендердің нәтижелерiн және жеңімпаз бен сатушының тендер нәтижесi болып табылатын шарттарда жекешелендіру объектісін сатып алу-сату шартына қол қою міндеттемесін тіркейтін құжат болып табылады. Сатып алу-сату шарты электрондық форматта тізілімнің веб-порталында жасалады және сатушы мен сатып алушы ЭЦҚ пайдаланып сауда-саттық нәтижелері туралы хаттамаға қол қойған күннен бастап күнтізбелік он күннен аспайтын мерзімде қол қояды. Бұл ретте сатушы сатып алушыға сауда-саттық нәтижелері туралы хаттамаға қол қойған күннен бастап күнтізбелік бес күннен аспайтын мерзімде қол қоюға сатып алу-сату шартының жобасын ұсынады.
Ссылка: https://e-qazyna.kz/ru/
Қысқа жауап:
1-қадам: Тапсырыс беруші сұрау жібереді
Мемлекеттік сатып алу конкурсының жеңімпаз болып анықталғаннан кейін (шағым беру мерзімі өткен соң немесе баға ұсыныстары бойынша жеңімпаз шыққан күннен бастап) 1 жұмыс күні ішінде тапсырыс беруші веб-порталы арқылы Сізге хабарлама жібереді.
2-қадам: Өнім беруші мәліметтерді толтырады
Жеңімпаз (өнім беруші) сұрауды алғаннан кейін 3 жұмыс күні ішінде веб-порталда
- Шартқа қол қоятын адамды көрсетеді
- Деректерін толтырады
- Барлығын растайды
Егер осыны уақытында растамаса:
Тапсырыс беруші порталдағы бұрын тіркелген мәліметтер бойынша шартты рәсімдей береді.
3-қадам: Шарт жобасы жіберіледі
Мәліметтер расталғаннан кейін (немесе растау мерзімі өткен соң) 1 жұмыс күні ішінде
тапсырыс беруші электронды цифрлық қолтаңбамен (ЭЦҚ) қол қойылған ,шарттың жобасын өнім берушіге жібереді.
4-қадам: Өнім беруші шартқа қол қояды
Өнім беруші белгіленген мерзімде веб-портал арқылы өзінің ЭЦҚ-сымен шартқа қол қояды.
Толық жауап:
Қазақстан Республикасы Қаржы министрінің 2024 жылғы 9 қазандағы № 687 бұйрығы Мемлекеттік сатып алуды жүзеге асыру қағидаларының
- Тапсырыс беруші конкурс, аукцион тәсілдерімен мемлекеттік сатып алулардың қорытындысы туралы хаттамаға шағым беру мерзімі өткен күннен бастап не баға ұсыныстарын сұрату тәсілімен мемлекеттік сатып алудың жеңімпазын айқындаған күннен бастап бір жұмыс күні ішінде веб-портал арқылы жеңімпазға шартты ресімдеу үшін шартқа қол қоятын тұлға және өнім берушінің деректемелері туралы мәліметтерді сұратуды жібереді.
- Әлеуетті өнім беруші веб-порталда тиісті сұрау салуды алған күннен бастап үш жұмыс күні ішінде шартқа қол қоятын тұлға туралы мәліметтерді және өнім берушінің деректемелерін толтырады және растайды. Әлеуетті өнім берушінің шартқа қол қоятын тұлға және оның деректемелері туралы мәліметтерді растауы болмаған жағдайда, тапсырыс беруші әлеуетті өнім берушінің веб-порталда орналастырылған тіркеу деректеріне сәйкес шартқа қол қояды.
- Тапсырыс беруші әлеуетті өнім берушінің осы Қағидалардың 528-тармағына сәйкес мәліметтерді растау мерзімі өткен күннен бастап бір жұмыс күнінен кешіктірмей электрондық цифрлық қолтаңбамен куәландырылған шарттың жобасын қалыптастырады және әлеуетті өнім берушіге қол қою үшін жібереді.
- Өнім беруші осы Қағидаларда белгіленген мерзімдерде веб-портал арқылы Шартқа электрондық цифрлық қолтаңбамен қол қояды.