Исатай ауданы бойынша 2022 жылдың І тоқсаны бойынша мемлекеттік көрсетілетін қызмет саласы бойынша ақпарат
Аудандық әкімдікте 7 ауылдық округ әкімінің аппараттары және 7 құрылымдық бөлімдер арқылы 46 түрлі мемлекеттік қызметтер көрсетіледі. (3 стандарт бойынша қағаз жүзінде, 6 қызмет балама, 37 қызмет электронды форматта). Аталған қызметтердің 40-ы, яғни 87% автоматтандырылған (толықтай/ішінара).
2022 жылдың 3 айы бойынша барлығы 2156 (2021 жылдың есепті кезеңінде 1556 қызмет) мемлекеттік қызмет көрсетілді, оның ішінде мемлекеттік корпорация арқылы 285 (13,2%) (2021 жылдың есепті кезеңінде 473 (30,3%), электронды түрде («электронды үкіметтің» веб-порталы және басқа да ақпараттық жүйелер арқылы) 1822 қызмет (84,5%) (2021 жылдың есепті кезеңінде 875 (56,2%)қызмет), мемлекеттік органдарда 49 (2,2%) (2021 жылдың есепті кезеңінде 40(2,8%)), балама түрде көрсетілгені 0(0%) (2021 жылдың есепті кезеңінде 168 (10,7%)).
***Электронды қызмет көрсету барысында қолданылатын ақпараттық жүйелер: Электронды түрде мемлекеттік қызметтер көрсету барысында қолданыстағы ақпараттық жүйелер:
Әр түрлі саладағы мекеме қызметшілеріне мемлекеттік көрсетілетін қызметті электрондық түрде алу мүмкіндігін түсіндіретін қысқаша онлайн курс ұйымдастырылып, алдын-ала жасақталған жоспар-кестеге сәйкес 2022 жылдың 1 тоқсанында 10 мекемеден 18 қызметші оқытылды. Электрондық көрсетілетін мемлекеттік қызметтерді кеңінен насихаттау мақсатында әлеуметтік желілерде 6 шығарылым, жергілікті «Нарын таңы» газетіне 3 мақала жарияланды. Қаржы көзі жұмсалмай, электронды түрде көрсетілетін мемлекеттік қызметтер бағытында 1 бейнеролик түсіріліп, әлеуметтік желіге жарияланды. Мемлекеттік органдардың онлайн түрде қатысуымен 1 жәрмеңке ұйымдастырылды.
Мемлекеттік қызмет көрсетуші қызметкерлердің біліктілігін арттыру курсынан 2 маман өткен.