«QAZAQGAZ AIMAQ» АҚ өндірістік филиалынан келіп түскен өтінішті қарау нәтижесінде, Атырау облысы бойынша Мемлекеттік еңбек инспекциясы комитетінің департаменті жұмыс берушіге 3 жыл мерзімге Сенім сертификатын беру туралы шешім қабылдады.
Сенім сертификаты жұмыс берушінің ерікті өтініші негізінде және еңбек заңнамасының, еңбек қауіпсіздігі талаптарының сақталуын, сондай-ақ соңғы үш жылда бұзушылықтар мен өндірістік жазатайым оқиғалардың болмауын бағалау нәтижелері бойынша табысталады.
«QAZAQGAZ AIMAQ» АҚ өндірістік филиалы белгіленген өлшемдерге сәйкестігін сәтті растады:
еңбек заңнамасын бұзу фактілері жоқ;
өндірісте жазатайым оқиғалар тіркелмеген;
еңбек қауіпсіздігін сақтау бағытында жүйелі жұмыс ұйымдастырылған;
ашық әлеуметтік саясат қамтамасыз етілген.
Сенім сертификаты - бұл еңбек саласындағы талаптардың жоғары деңгейде сақталуын мойындау ғана емес, сонымен қатар қызметкерлердің, қоғам мен мемлекеттік органдардың сенімін арттырудың маңызды құралы болып табылады.