Индер аудандық аумақтық сайлау комиссиясының жанындағы Жас сайлаушылар клубы туралы Ереже

                                         №1 қосымша

                        Индер аудандық аумақтық сайлау

                        комиссиясының «6» тамыз 2025 ж.

                        №8 шешімімен бекітілген

 

 

 

Индер аудандық аумақтық сайлау комиссиясының

жанындағы Жас сайлаушылар клубы туралы

Ереже

 

 

  1. Жалпы ережелер

 

  1. Индер аудандық аумақтық сайлау комиссиясы (бұдан әрі - АСК) жанындағы Жас сайлаушылар клубы (бұдан әрі - Клуб) жас азаматтардың, сайлау процесіне қатысушылардың еркін бірлестігі болып табылады.

Осы Ереже клуб қызметін жүзеге асыру тәртібін айқындайды.

  1. Клуб өз қызметін Индер аудандық АСК-ның көмегімен жас сайлаушылар мен сайлауды ұйымдастырушылардың құқықтық мәдениетін арттыру жөніндегі сайлау комиссияларының білім беру, түсіндіру, ақпараттық іс-шараларының жоспарларына, клуб жұмысының жоспарларына сәйкес қоғамдық негізде жүзеге асырады.
  2. Клуб АСК мүшелерімен, сондай-ақ өзге де органдар мен ұйымдармен, азаматтармен өзара іс-қимыл жасайды.
  3. Клуб туралы ереже Индер аудандық АСК-ның шешімімен бекітіледі.

 

  1. Жас сайлаушылар клубының мақсаты мен міндеттері

 

  1. Клубты құрудың мақсаты жастардың назарын сайлау процесінің өзекті мәселелеріне аудару, олардың сайлау белсенділігі мен құқықтық мәдениетін арттыру болып табылады.
  2. Клубтың негізгі міндеттері:

1) жас азаматтарды консультациялық-әдістемелік көмекпен қамтамасыз ету; 

2) жастарға құқықтық білім беру, сайлау құқықтарын түсіндіру, сайлау мәдениетін арттыру;

3) жастардың сайлау процесіне қатысуының өзекті мәселелерін қарау және олардың бастамаларын қолдау;

4)жас және болашақ сайлаушылардың сайлау процесіне қызығушылығын арттыру.

 

 

 

 

 

 

  1. Жас сайлаушылар клубы мүшелерінің құрамы мен құқықтары

 

  1. Клубқа студенттер, мектеп оқушылары, жұмысшы және өңірлік жастар ресурстық орталықтарының, коммерциялық емес қоғамдық бірлестіктердің, сондай-ақ мемлекеттік органдардың өкілдері, сайлау комиссияларының жас мүшелері мен мәслихаттардың жас депутаттары (келісім бойынша) қатыса алады.

7.1 Индер аудандық АСК жанындағы Клуб 9 адамнан құрылады.

  1. Клуб қатысушылары клуб отырыстарының күн тәртібіне енгізілген мәселелерді талқылау кезінде тең құқықтарға ие.

8.1 Индер аудандық АСК-ның мүшесі клубтың әдістемелік жетекшісі   болып табылады.

  1. Клуб мүшелері құқылы:

1) Индер ауданындағы сайлау комиссияларының мүшелеріне ұсыныстармен жүгінуге;

2) Клуб отырысының хаттамасына қоса тіркелуге жататын клуб қатысушыларының өзге де пікірлерімен келіспеген жағдайда өз пікірін баяндауға.

 

  1. Жас сайлаушылар клубының қызметін ұйымдастыру

 

  1. Клуб өз қызметін әртүрлі форматтағы отырыстар, кездесулер, пікірталастар, ұжымдық өзара іс-қимылдың өзге де нысандары түрінде жүзеге асырады.
  2. Клуб іс-шараларды ағымдағы жылға арналған жұмыс жоспары бойынша өткізеді, оны клуб мүшелері бірінші отырыста қабылдайды.
  3. Клубтың қызметін қамтамасыз етуді, іс қағаздарын жүргізуді және отырыстарды дайындауды Индер аудандық АСК ұйымдастырады.
  4. Индер аудандық АСК:

1) отырыстарды дайындау және өткізу жөніндегі ұйымдастыру жұмысын жүзеге асырады;

2) клуб қатысушыларын кезекті отырыс өткізілгенге дейін бес күннен кешіктірілмейтін мерзімде, іс-шара өткізілетін күн туралы үш күннен кешіктірілмейтін мерзімде кезекті отырыстың Күні мен күн тәртібі туралы хабардар етеді;

3) клуб отырысы барысында, оның ішінде фото-, аудио-, бейнежазба құралдарын пайдалана отырып хаттама жүргізеді.

  1. Клуб отырыстары қажеттілігіне қарай, бірақ жылына кемінде екі рет өткізіледі.

 

  1. Қорытынды ережелер

 

  1. Осы Жас сайлаушылар клубы туралы Ережеге өзгерістер мен толықтырулар Индер аудандық АСК шешімімен енгізіледі.

16. Клуб қызметі Индер аудандық АСК шешімімен тоқтатылады

Дата публикации
16 января 2026