2020-2022 жылдарға арналған аудандық
бюджетті бекітуге ұсыну туралы
Қазақстан Республикасының 2008 жылғы 4 желтоқсандағы Бюджет кодексінің 9 бабын, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабын басшылыққа ала отырып, аудан әкімдігі ҚАУЛЫ ЕТЕДІ:
- 2020-2022 жылдарға арналған аудандық бюджет тиiсiнше 1, 2 және
3-қосымшаларға сәйкес, оның iшiнде 2020 жылға келесідей көлемде бекiтiлсiн:
1) кірістер – 11 084 920 мың теңге, оның ішінде:
салықтық түсімдер – 847 613 мың теңге;
салықтық емес түсімдер – 22 800 мың теңге;
негізгі капиталды сатудан түсетін түсімдер – 10 700 мың теңге;
трансферттер түсімдері – 10 203 807 мың теңге;
2) шығындар –11 084 920 мың теңге;
3) таза бюджеттік несиелендіру – 51 694 мың теңге, оның ішінде:
бюджеттік несиелер – 51 694 мың теңге;
бюджеттік несиелерді өтеу – 0 теңге;
4) қаржы активтерімен операциялар бойынша сальдо – 0 теңге, оның ішінде:
қаржы активтерін сатып алу – 0 теңге;
мемлекеттің қаржы активтерін сатудан түсетін түсімдер – 0 теңге;
5) бюджет тапшылығы (профициті) – 51 694 мың теңге;
6) бюджет тапшылығын қаржыландыру (профицитін пайдалану) –
- 51 694 мың теңге:
қарыздар түсімі – 51 694 мың теңге;
қарыздарды өтеу – 0 теңге;
бюджет қаражатының пайдаланылатын қалдықтары – 0 теңге.
- Аудан бюджетінде жалпы мемлекеттік салықтар түсімінің жалпы сома нормативі 2020 жылға келесідей көлемдерде бекітілсін:
корпоративтік табыс салығы бойынша – 30%;
төлем көзінен салық салынатын табыстардан ұсталатын жеке табыс салығы бойынша– 100%;
әлеуметтік салық бойынша – 50%.
- Облыстық бюджеттен аудан бюджеттеріне берілетін субвенциялар көлемдері 2020 жылға 4 985 714 мың теңге сомасында көзделгені ескерілсін.
- 2020 жылға азаматтық қызметшілер болып табылатын және ауылдық елді мекендерде жұмыс iстейтiн денсаулық сақтау, әлеуметтiк қамсыздандыру, бiлiм беру, мәдениет, спорт және ветеринария саласындағы мамандарға, сондай-ақ жергілікті бюджеттерден қаржыландырылатын мемлекеттік ұйымдарда жұмыс істейтін аталған мамандарға қызметтің осы түрлерімен қалалық жағдайда айналысатын мамандардың айлықақыларымен және мөлшерлемелерімен салыстырғанда жиырма бес пайызға жоғарылатылған айлықақылар мен тарифтiк мөлшерлемелер ескерілсін.
- 2020 жылға жергілікті атқарушы органдарының резерві 17 623 мың теңге сомасында бекітілсін.
- 2020 жылға арналған аудандық бюджетте мамандарды әлеуметтік қолдау шараларын іске асыру үшін жергілікті атқарушы органдарға
51 694 мың теңге сомасында бюджеттiк кредиттер көзделгенi ескерiлсiн.
- 2020 жылға арналған аудандық бюджетте республикалық бюджеттен 4 843 291 мың теңге сомасында ағымдағы нысаналы және нысаналы даму трансферттері көзделгенi ескерілсін.
- 2020 жылға арналған аудандық бюджетте облыстық бюджеттен 374 802 мың теңге сомасында ағымдағы нысаналы және нысаналы даму трансферттері көзделгенi ескерілсін.
- 2020 жылға арналған жергілікті бюджеттi атқару процесiнде секвестрлеуге жатпайтын жергілікті бюджеттiк бағдарламалардың тiзбесi
4-қосымшаға сәйкес бекітілсін.
- Ауданның 2020-2022 жылдарға арналған бюджеті аудандық мәслихат сессиясына бекітуге ұсынылсын.
- Осы қаулының орындалысына бақылау жасау аудан әкімінің орынбасары С.Өтеғұловқа жүктелсін.
- Осы қаулы қол қойылған күнінен бастап күшіне енеді және қолданысқа енгізіледі.
Аудан әкімі М.Қалауи