Атырау облысы бойынша 68 селолық округы және аудандық маңызы бар 1 қала бар, олар Құрманғазы ауданында – 19, Индер ауданында – 7, Исатай ауданында – 7, Қызылқоға ауданында – 10, Мақат ауданында – 3, Махамбет ауданында – 9, Жылыой ауданында – 7, Атырау қаласында – 7 селолық округ бар.
2018 жылдан бастап облыс бойынша адам саны 2000 нан асатын 47 аудандық маңызы бар қала және ауылдық округтердің (бұдан әрі – а/о) IV-деңгейлі бюджеті енгізіліп, коммуналдық меншігі қалыптастырылды. Оның ішінде:
- Құрманғазы ауданы – 12 а/о (Құрманғазы, Азғыр, Ақкөл, Бірлік, Дыңғызыл, Еңбекші, Өрлік, Жаңаталап, Кудряшов, Мақаш, Нұржау, Сүйіндік);
- Индер ауданы – 6 а/о (Есбол, Көктоғай, Индербор, Жарсуат, Елтай, Өрлік);
- Исатай ауданы – 4 а/о (Аққыстау, Жанбай, Қамысқала, Тұщықұдық);
- Қызылқоға ауданы – 5 а/о (Миялы, Ойыл, Тасшағыл, Сағыз, Мұқыр);
- Мақат ауданы – 2 а/о (Мақат, Доссор);
- Махамбет ауданы – 6 а/о (Алға, Бақсай, Бейбарыс, Есбол, Махамбет, Сарайшық);
- Жылыой ауданы – 1 аудандық маңызы бар қала (Құлсары) және 4 а/о (Қосшағыл, Жем, Қара Арна, Жаңа Қаратон);
- Атырау қаласы – 7 а/о (Ақсай, Қайыршақты, Атырау, Кеңөзек, Дамбы, Еркінқала, Алмалы).
Бұл, өз кезегінде жергілікті өзін-өзі басқару (бұдан әрі – ЖӨБ) органдарының қаржылық және экономикалық дербестігін кеңейтуге ықпал етіп, жергілікті маңызы бар мәселелерді шешуге мүмкіндік берді.
2020 жылдың 1 қаңтарынан бастап халық саны 2 мың және одан аз адамды құрайтын 22 ауылдық округте, оның ішінде:
- Құрманғазы ауданы – 7 ауылдық округте (Асан, Қиғаш, Көптоғай, Сафон, Теңіз, Байда, Шортанбай);
- Индер ауданы – 1 ауылдық округте (Бөдене);
- Исатай ауданы – 3 ауылдық округте (Забурын, Исатай, Нарын);
- Қызылқоға ауданы – 5 ауылдық округте (Жангелді, Көздіқара, Жамбыл, Қызылқоға, Тайсойған);
- Мақат ауданы – 1 ауылдық округте (Бәйгетөбе);
- Махамбет ауданы – 3 ауылдық округте (Ақжайық, Ақтоғай, Жалғансай);
- Жылыой ауданы – 2 ауылдық округте (Ақкиізтоғай, Майкөмген) жергілікті өзін-өзі басқарудың IV-деңгейлі бюджеті мен коммуналдық меншігі енгізілді.
Алдағы уақытта ауылдық елді мекендердің әлеуметтік-экономикалық дамуын арттыру мақсатында жергілікті атқарушы органдардың құзырына берілген функцияларын уақтылы және толықтай атқаруы үшін іске асырылып отырған іс-шаралар жалғасын таба бермек.
2020 жылдың 1 қаңтарынан бастап Қазақстан Республикасының Бюджет Кодексінің 9-1 бабына сәйкес 2020 жылға облыстың 68 ауылдық округы және аудандық маңызы бар 1 қала бюджеттері 13 170,9 млн теңгеге жергілікті қоғамдастық жиналысымен келісіліп, қала, аудандар мәслихат шешімдерімен бекітілді.
2020 жылдың 1 қыркүйек жағдайына түсімдердің жоспары 7 628,6 млн теңге, орындалысы 8 249,0 млн теңге немесе 108,1 пайызды құрады. Шығыстары жоспары 7 628,9 млн теңге, игерілуі 7 582,3 млн теңге немесе 99,3 пайызды құрады.