Цифрландыру және байланыс бөлімі
Атырау облысында Геопортал арқылы барлығы 53 516 қызмет көрсетілді. Қазіргі таңда 70-тан астам мекеме Геопорталмен жұмыс істейді.
Геопорталдың модификациясы аясында «Атырау жастары» бағдарламасына өтініш қабылдау цифрландырылып, 2024-2025 жылдары 931 өтініш түсіп, 333 жолдама берілді. Оның 134 өтініші қанағаттандырылды. Қазіргі таңда 30 астам өтініш қаралуда.Медицина қызметкерлеріне тұрғын үй алу үшін жеңілдетілген несие беру бағдарламасы цифрландырылып, ағымдағы жылдың 2-16 маусым аралығында 124 өтініш түсті. Жергілікті бюджет есебінен білім гранттарын тағайындау цифрландырылып, портал арқылы 480 өтініш қабылданып, барлығы 202 грант тағайындылды. «Берекелі баспана» Медицина және фармацевтика қызметкерлеріне әлеуметтік қолдау және басқа да процестерді автоматтандыру жұмыстары жүргізілуде. Геопортал аясында - Атырау облысының инвестициялық картасы әзірленіп, онда 11 қаржылық қолдау қажет ететін жобалар мен 6 жүзеге асырылып отырған жоба жарияланды. Тұрғын үй-коммуналдық шаруашылығы және жолаушылар көлігі және автомобиль жолдары саласы бойынша обьектілерді есепке алу, кеңістік деректерді жинау, «мониторинг», «паспортизациялау» автоматтандырылған жұмыс орны әзірленді. Геопортал қызметтері бойынша тұрғындарға телефон арқылы кеңес берілуде. Облыс, қала және аудандар әкімдіктерінің жұмысын жақсарту мақсатында жер қатынастары, сәулет және қала құрылысы саласындағы көрсетілетін еatyrau.kz ақпараттық порталының жұмысын ұйымдастыру, жер пайдалануда заң бұзышылықтарды ақпараттық жүйе арқылы анықтау, аудандармен өткізілетін жиналыстарды бейнеконференс байланысымен қамтамасыз ету, тұрғындардан әкімдікке келіп түсетін арыз-шағымдарды қабылдап, қалалық бөлімдерге жіберу және төтенше жағдайлар бойынша жедел қоңырауларды қабылдап, өрт сөндіру және құтқару қызметтеріне жіберу жұмыстары атқарылды.
Ақпараттық технологиялар бөлімі
Ағымдағы жылдың 11 айында Атырау облысы әкімдігінің мәжіліс залдарында өтетін жиналыстарға аудан әкімдіктерінен бейнебайланыс арқылы қосу және техникалық қолдау қамтамасыз етілді. Зум арқылы өтетін жиналыстар да техникалық тұрғыдан сүйемелденді. Серверлік бөлмелердегі жабдықтарға техникалық қызмет көрсетіліп, үздіксіз жұмыс істеуі қамтамасыз етілуде. Eatyrau.kz және Komek109 сайттарына техникалық жұмыстар жүргізілді. Облыс әкімдігі және Төлебаева 44/1 мекемесіндегі оргтехникаға қызмет көрсетілді. Дрон арқылы жоғалған адамды іздеу, өрт және су тасқыны жағдайында әуеден барлау жұмыстары атқарылды. Аудандардағы бейнеконференция құрылығыларына техникалық қолдау көрсетіліп, қажет жағдайда іссапармен барып жұмыстар жүргізілді.
Аталған бөлімдерде сыбайлас жемқорлық тәуекелдері төмен деңгейде.
109 бірыңғай байланыс оралығы
109 колл орталығының үздіксіз жұмыс жасауын қамтамасыз етілуде.
Ағымдағы жылдың 11 айында азаматтардан 193 405 қонырау 109 бірыңғай байланыс орталығына келіп түсті. Қабылданған өтінімдердің 71,4% (138 110) бір қоңыраудан ақпарат беру арқылы шешілген. Бұл өткен жылдың осы кезеңімен салыстырғанда 3 783 қоңырауға аз. (2024 ж. 11 ай-189 622). Күнделікті орташа қоңыраулар саны 644 (2024 ж. 11 ай-683,3). Келіп түскен арыз-шағымдар облыстық басқармаларға, қала, аудандар әкімдіктеріне және коммуналдық қызметтерге жіберіліп, бақылауға алынды. 109 бірыңғай байланыс орталығының басты көрсеткіші бұл қабылданған қоңырау санының артуымен бағаланбауы тиіс. Өткен жылдың осы кезеңімен салыстырғанда қоңырау санының төмендеуі Атырау жарық тарапынан облыстық, қалалық әкімдікпен бірлесе отырып, кейбір мекенжайладағы жарықтың апаттық жағдайда өшіруінің азаюымен, жаңа желілердің іске қосылуымен түсіндірсе болады. Бұл ретте, 109 колл орталығы тұрғындарды алаңдататын бағыттарды зерделей отырып, оны жою бойынша ұсыныстар білдіріп отырады.
«eOtinish» сервисі бойынша ақпарат
2025 жылдың қаңтар айынан бастап «Атырау облысы Цифрландыру және архивтер басқармасының Атырау облысының Цифрландыру орталығы» коммуналдық мемлекеттік мекемесіне 4 тұрғыннан барлығы 13 өтініш келіп түсті. Олардың біреуі А.Ким тұрғыннан иттерді аулау мәселесі бойынша түскен, алайда аталған өтініш өтініш берушінің өзі тарапынан кері қайтарылды. Кадыров Б. тұрғыннан аумақты абаттандыру, жаяу жүргіншілер өткелі, жол белгілері және электр энергиясымен қамтамасыз ету мәселелері бойынша 10 өтініш түсіп, олар 109 бірыңғай байланыс орталығы арқылы қаралды. Сонымен қатар, Қостанай қаласының Б.Бейсова тұрғынынан 109 операторының иттерді аулау бойынша оның телефон нөмірін қате ұсынуына байланысты 2 өтініш түсті, олардың нәтижесі бойынша операторға тәртіптік жаза қолданылды.