Бекітілді
Атырау облысы Цифрландыру
және архивтер басқармасының
2023 жылғы «23» қазандағы №17
бұйрығына қосымша
Атырау облысы Цифрландыру және архивтер басқармасы
Сараптау-тексеру комиссиясының жұмыс
РЕГЛАМЕНТІ
- Басқарманың Сараптау- тексеру комиссиясы отырысына дайындық
және өткізу (бұдан әрі-СТК).
- СТК қызметі Басқарманың жұмыс жоспарымен қарастырылады.
СТК отырысы қажетіне қарай, айына екі рет шақырылуы мүмкін.
СТК-ның кворумы оның құрамының жартысынан көбі қатысса, құқылы болып саналады.
- Комиссия шешімі СТК мүшелерінің мәжіліске қатысқан көпшілік
дауысымен әр мәселе (құжат) бойынша бөлек қабылданады. Дауыс теңбе-тең бөлінген кезде төрағаның дауысымен шешім қабылданады. Комиссия мүшелерінің және басқа да қатысушылардың жеке пікірлері хаттамада немесе оған қосымша құжаттарда көрсетіледі.
- СТК төрағасы отырыстың күн тәртібін, өткізу орны мен уақытын,
қаралатын мәселелер кезектілігін, баяндамашылар мен отырысқа қатысушыларды анықтайды.
- СТК отырысында қарауға жататын жекелеген мәселелерді дайындауға кеңесшілер мен сарапшылар ретінде мемлекеттік архивтер мен өзге мүдделі ұйымдар мамандарын шақыруға болады.
- СТК-ға қарауға жолданатын құжаттар әр айдың 1-нен 15-не дейінгі мерзімде Басқармаға тапсырылуы тиіс.
- Әр айдың 17-і күні материалдар сарапшыларға қарауға тапсырылып, СТК хатшысына сарапшылар (бір апта ішінде) 24-не дейін мерзімге жазбаша түрде қорытынды ұсынуы қажет.
- СТК-ға түскен материалдар бойынша сарапшылар қорытындысымен келісіледі.
- Сараптау қорытындысы белгіленген мерзімге дайын болмаған жағдайда, сарапшылар жазбаша түрде СТК төрағасына қарау мерзіміне өзгерістер енгізу немесе мәселені күн тәртібінен алу жөнінде ұсыныстар енгізеді.
- СТК-ның материалдары мен құжаттары СТК мүшелеріне әр айдың 25 күні ұсынылады. СТК мүшелері қажет болған жағдайда ұсынылған материалға жазбаша түрде ұсыныстар мен ескертпелер енгізуі мүмкін.
- СТК отырысы мемлекеттік тілде жүргізіледі.
- СТК материалдарын ресімдеу, оларды көбейту және жіберу.
- СТК хатшысы төрағаның нұсқауы бойынша күн тәртібін, шақырылғандар тізімін, отырысқа әзірленген материалдарды көбейтуді ұйымдастырады, СТК отырысын өткізу орны және уақытын хабарлайды, оларды сарапшылар қорытындысы және ұсыныстармен таныстырады.
- Әр СТК отырысы хатшымен хаттамаланады. Отырыстың ресімделген хаттамасы бұйрықпен бекітіледі.
СТК хаттамасына төраға мен комиссия хатшысының қолы қойылады.
- СТК-дан өтпей қалған құжаттар 5 (бес) жұмыс күн ішінде мүдделі заңды және жеке тұлғаларға хатпен кері қайтарылады.
- Хатшы СТК жұмысы туралы есепке алу мен есептілікті жүзеге асырады, құжаттаманы жүргізеді және оның сақталуын қамтамасыз етеді.
- СТК хатшысының орындаушылардан комиссия отырысында қаралуға жататын құжаттарды уақытылы ұсынуды талап ету құқығы бар.
- СТК-на мекемелер ұсынылған құжаттардың түпнұсқасы тапсырылуы қажет. Электрондық құжат айналымының бірыңғай жүйесі (бұдан әрі-ЭҚАБЖ) бағдарламасы бар мекеме, ұйымдарға ЭҚАБЖ–мен қатар қағаз түріндегі нұсқасын қатар жіберу қажет.
- Сараптау- тексеру комиссиясына ұсынылған құжаттардың мәтінін
мемлекеттік тілде ұсыну, қажет болған жағдайда орыс тілінде ұсынылуы қажет.
- СТК-на ұсынылган құжаттар өткеннен кейін бекіту және келісу туралы
мөрлері соғылады
- Басқарманың және мемлекеттік архив мекемесі қызметкерлерінің СТК-дағы жұмыстары жылдық жұмыс жоспарында қаралады және қосымша ақы төлеуге жатпайды.