Жазғы каникул кезінде суға шомылу қауіпсіздігі туралы
ата-аналар мен оқушыларға арналған
Ж А Д Ы Н А М А
Бала қауіпсіздігіне салғырт қарау, соның ішінде суға шомылудың қауіпсіздік ережелерін орындамауы орны толмас қайғы мен өкінішке айналып жатады.
Балалардың суға кету фактілерінің орын алуы алаңдатады.
Жаздың басталуымен, өкінішке орай 4 бала суға кетіп, қаза тапты.
Ата-аналар мен оқушылар!
Есте сақтаңыздар!
Судағы апаттан қорғанудың ең сенімді жолы - суда шомылу ережелері мен қауіпсіздік шараларын қатаң сақтау.
Келеңсіз оқиғаларды болдырмау үшін төмендегі ережелерді сақтаңыздар:
- балаларды ересектердің қарауынсыз су айдындары жағалауларында қалдырмаңыздар;
- балаларға тек арнайы жабдықталған орындарда мен жерлерде ересектердің қадағалауымен ғана шомылуға рұқсат етіңіздер;
- балалар мен ересектерге үрлемелі матрастармен, камералармен, тақтайлармен, үрлемелі ойыншықтармен жүзуге қатаң тиым салынады, себебі бұл үлкен қатерге әкеліп соғады және уақытылы көмек көрсетуге қиындық туғызады;
- су айдындарында басқа да қауіпті жағдайлар туғызбаңыздар.
Егерде су маңында қауіпті жағдай төніп, Сізге көмек қажет болса, «112» құтқару қызметінің телефонына жедел қоңырау шалыңыздар.
Құрметті ата-ана!
Балаларымыздың өмірің сақтау үшін қауіпсіздік шараларын алуға шақырамыз.
Баланы бақылауымыздан бір сәтке де көзден таса қалдырмайық!
Өзіңізге және өзгелерге сақ болыңыздар!
Атырау облысы Білім беру басқармасы