Атом саласының кәсіби біліктіліктер жөніндегі салалық кеңесін құру туралы

ҚР Атом энергиясы жөніндегі агенттігі (бұдан әрі – Агенттік) атом саласының кәсіби біліктіліктер жөніндегі салалық кеңесін (бұдан әрі - Салалық кеңес) құру туралы хабарлайды.

Салалық кеңес атом саласындағы кәсіби біліктіліктер жүйесін дамыту, кәсіби стандарттарды әзірлеу және өзектендіру мәселелерін қарауға қатысу, кәсіби құзыреттерге қойылатын талаптарды қалыптастыру, сондай-ақ сала үшін кадрлар даярлауды жетілдіру мақсатында құрылады.

ҚР Еңбек және халықты әлеуметтік қорғау министрінің 2023 жылғы 8 қыркүйектегі № 378 «Кәсіби біліктіліктер жөніндегі салалық кеңестерді құру қағидаларын айқындау және олардың үлгілік ережесін бекіту туралы» бұйрығына (бұдан әрі – Қағидалар) сәйкес Салалық кеңестің құрамына төмендегі әрбір тараптан екі өкілден артық өкілдер енгізілмейді:

• мемлекеттік органнан және оның құрылымдық бөлімшелерінен;
• ҚР Ұлттық кәсіпкерлер палатасынан;
• Кәсіби біліктіліктер жөніндегі ұлттық органнан;
• жұмыс берушілерден;
• салалық кәсіптік одақтардан, болған жағдайда;
• жұмыс берушілердің салалық бірлестіктерінен (қауымдастықтарынан, одақтарынан), олар болмаған жағдайда - салалық ұйымдардан, болған жағдайда;
• тиісті салада техникалық және кәсіптік, орта білімнен кейінгі білім беру бағдарламаларын іске асыратын ұйымдардан;
• тиісті салада жоғары және жоғары оқу орнынан кейінгі білім беру бағдарламаларын іске асыратын ұйымдардан.

Салалық кеңестің құрамына енгізу үшін мүдделі тұлғаларға мынадай құжаттарды ұсыну қажет:

• Қағидаларға 1-қосымшаға сәйкес нысан бойынша өтініш;
• ҚР Еңбек кодексінің 35-бабына сәйкес тиісті саладағы жұмыс тәжірибесін растайтын құжат.

Құжаттарды хабарландыру жарияланған сәттен бастап 5 (бес) жұмыс күні ішінде ҚР Атом энергиясы жөніндегі агенттігіне мына мекенжай бойынша: Астана қ., Мәңгілік Ел даңғылы, 57а, 1606-каб. немесе электрондық мекенжайға: m.akimgaliyeva@atom.gov.kz жолдау қажет, байланыс телефоны +7 7172 57 13 26

Дата публикации

29 мая 2026