Масштабное преображение дворов и скверов проходит в Нур-Султане

Биыл 150 аула мен 50 қоғамдық кеңістік (саябақтар, скверлер) абаттандырылады, деп хабарлайды Нұр-Сұлтан әкімдігінің ресми сайты.

Елорда күні қарсаңында Нұр-Сұлтанда 40-тан астам аула мен 20 қоғамдық орын (аллеялар мен скверлер) абаттандырылды. Жалпы, биыл 150 аула мен 50 қоғамдық кеңістік абаттандырылады. Аулалардың көбі Байқоңыр ауданында – 50 аула, Сарыарқа ауданында – 40, Алматы – 33, Есіл ауданында – 20 аула абаттандырылады. Қазіргі уақытта елордада 1560 аула бар, оның 70%-ы абаттандырылған. Байқоңыр ауданында 20 ауланы абаттандыру жұмыстары аяқталды. Аулалар "Нұр-Сұлтан - жайлы қала" жоспарының тұжырымдамасы аясында абаттандырылуда.

«Біздің ауданда 235 аула бар, оның 107-сі абаттандырылмаған. Биыл 70 ауланы абаттандыру жоспарланған. Қазіргі уақытта мұндай жұмыстар шамамен 20 аулада аяқталуда. Атап айтқанда, Өндіріс, Кирпичный, Казгородок тұрғын алаптары», – деді Байқоңыр ауданының абаттандыру бөлімінің бастығы Нұрбол Айтбеков.

Жұмыс тұрғындардың тілектерін ескере отырып жүргізілуде. «Бюджетке қатысу» бағдарламасы жүзеге асырылуда. Осылайша, қала тұрғындары қай аумақты абаттандыру керегін өздері анықтайды.

Мысалы, Сарыарқа ауданында 40 ауланың 13-і «Бюджетке қатысу» бағдарламасы бойынша абаттандырылуда. Алматы ауданының аумағында 33 аула абаттандырылады. Атқарылып жатқан шараларға балалар ерекше қуанышты.

«Бұрын бізде ойнайтын жер, әткешектер, сырғанақтар болмады. Барлығы басқа аулаларға ойнауға баратын. Біздің ойын алаңымыз болды, бірақ оған құм төселген еді. Аяқ киімімнің ішіне үнемі құм толып қалатын. Енді мұнда газон төселіп, өте әдемі болды», – дейді Алматы ауданының жас тұрғыны.

Биыл Есіл ауданында балаларға арналған 20 аула салынып, бес қоғамдық орын абаттандырылады.

«Жаңа алаңқайлар барлық заманауи стандарттарға сай. Көгалдандыруға қолданылатын материалдар сертификатталған, резеңке жабындылар, шағын архитектуралық формалар мен спорт алаңдарында жаттығу кешендері орнатылған. Футбол, волейбол және баскетбол алаңдары салынуда», – деп атап өтті Есіл ауданының әкімдігі.

Қала әкімдігімен аула аумақтарын абаттандыруға, көріктендіруге, көгалдандыруға ерекше көңіл бөлінуде.