Астана мектептерінде буккроссинг басталды

Елордалық білім беру мекемелерінде «Демалыста кітап оқимыз» атты республикалық буккроссинг басталды, деп хабарлайды Астана әкімдігінің ресми сайты.

Жазғы демалыс кезінде оқушылар оқыған әдебиеттер туралы өз ұсыныстарымен бөліседі, сондай-ақ жаңа шығармалармен танысады. Осылайша, акцияның арқасында кітап «Оқыдың – басқаға сыйла» қағидаты бойынша екінші өмір сыйлайды.

«Біртұтас тәрбие» бағдарламасы аясында мамыр айында «Ынтымақ айы» айлығын өткізу басталды. Сонымен қатар «Демалыста кітап оқиық» челленджі старт алды. Осы уақытта «Вook-сторис», «Мен оқыдым және сізге кеңес беремін» форматындағы іс-шаралар бейне жарнама және презентация форматында өтеді. Сондай-ақ оқушылар театрландырылған қойылымдарды көрсетеді. Жалпы, бұл іс-шаралардың басты мақсаты – оқушылардың назарын кітаптарға аудару, оқуға деген сүйіспеншілікті ояту. Акция барысында біздің балалар өздерінің сүйікті кітаптары туралы айтып, достарымен бөліседі», - деді Ақжан Әл-Машани атындағы №92 мектеп-лицейінің директоры Оразгүл Жолдасбекова.

Жазғы демалыс қарсаңында мектеп оқушылары сүйікті кітаптарын оқиды, содан кейін оларды әлеуметтік желілерде жариялап, автор мен тақырыпты көрсетіп, желі қолданушыларынан: «Бұл кітапты достарыңызға не үшін ұсынар едіңіз?» деп сұрайды.

«Мамыр айында бізде түрлі бағыттағы бірқатар іс-шаралар өтуде. Астананың 98 мектебінде буккроссинг басталды. Мысалы, №92 мектеп-лицейінің кіші блок оқушылары үшін де, орта және жоғары сынып оқушылары үшін де түрлі іс-шаралар жоспарланған деп айта аламын. Іс-шараның мәні – балалар оқыған әдебиеттері туралы ұсыныстар айта алады және сыныптастарымен кітап алмасады. Онда олар кітапты – демалысқа уақытша бере тұра ма немесе сыйлай ма, оны өздері шешеді», - деді Астана әкімдігі әдістемелік орталығының Баспа қызметі бөлімінің басшысы Райгүл Әмірхамзина.

Оқушыларға #демалыстакітапокиық, #читаемкнигунаканикулах хэштегін көрсете отырып, оқыған шығарма туралы бейнероликтер түсіріп, оларды әлеуметтік желілерге жариялау ұсынылады.