Бір күнде елордадан 11 мың текше метрден астам қар шығарылды

Түнгі ауысымда елордада қар тазалауға 500-ге жуық арнайы техника жұмылдырылады, деп хабарлайды қалалық әкімдіктің ресми сайты.

16 ақпан күні елордадан 11 мың текше метрден астам қар шығарылды, бұл 902 ауыр жүк көлеміне тең.

16 ақпаннан 17 ақпанға қараған түнгі ауысымда қар тазалау жұмыстарына 500-ге жуық арнайы техника мен 50 жол жұмысшысы жұмылдырылады.

Коммуналдық қызметтер тәулік бойы күшейтілген режимде жұмысын жалғастыруда.

Қыс басынан бері қар полигондарына 344 мыңға жуық рейс 4,7 млн текше метрге жуық қар шығарылды.