Бизнес Астанадағы өрт қауіпсіздігін қатаң тексеретін болады
2024 жылдың наурыз айынан бастап мемлекеттік инспекторлар өрт қауіпсіздігі ережелерін бұзған кәсіпкердің қызметін тұру сияқты жедел шара қабылдауға міндетті, деп хабарлайды елорда әкімдігінің ресми сайты.
Астана қаласы ТЖД Мемлекеттік өрт бақылау басқармасының бастығы Мадияр Мырзагелдиевтің мәліметінше, кәсіпкерге 60 күн мерзімге қызметін тоқтата тұру актісі беріледі, содан кейін ол бұзушылықтарды жоюға міндетті.
Астана қаласының Төтенше жағдайлар департаменті 2024 жылдың 1 жартыжылдығына 391 нысанды тексереді.
Бұл ретте, көбінесе жоғары дәрежелі тәуекел нысаны, егер ол шағын кәсіпкерлік субъектілеріне жататын болса, сондай-ақ жаңа реттеуші саясатқа сәйкес субъективті критерийлері бойынша өрт қауіпсіздігі саласындағы аудиттің оң қорытындысының болуы профилактикалық бақылау жүргізуден босатылады.
"2023 жылдың өткен кезеңінде Аумақтық бөлімшелер жоспардан тыс 374 (2022 жыл - 870) тексеру жүргізді, оның ішінде нұсқаманың орындалуын бақылау бойынша 113 (2022 жыл - 810). Профилактикалық бақылау нәтижелері бойынша өрт қауіпсіздігі ережелерін 5976 бұзушылық анықталды(-40,2%, 2022 -9989)", - деп хабарлады Астана ТЖБ басшысы.
Ведомствода өрттің шығу себептеріне талдау жүргізілді. Сонымен, өрттің шығу себептерінің 80 пайыздан астамы өртке қарсы іс-шараны білмейтін азаматтардың кінәсінен болады.
"Өрт қаупін азайту, халықтың қауіпсіздігін, материалдық құралдардың сақталуын арттыру, сондай-ақ өрт қауіпсіздігі үшін жеке және ұжымдық жауапкершілікке қоғамдық пікір мен психологиялық көзқарасты қалыптастыру мақсатында Департамент биыл халық арасында кең ауқымды үгіт-насихат жұмыстарын жүргізуде. Сондай-ақ Астана қаласының кәсіпкерлер палатасымен меморандум жасалды, онда тараптардың кәсіпкерлердің, халықтың құқықтарын қорғау және бизнес мүдделерін қолдау мәселелері бойынша өзара ықпалдасады. 2023 жылы Департамент кәсіпкерлермен өрт қауіпсіздігі мәселелері бойынша 20 дөңгелек үстел өткізді", - деді Мадияр Мырзагелдиев.
Бұдан басқа, бизнес өрт-техникалық тексеру жүргізу үшін ТЖД-ға жүгінуге құқылы, оның нәтижелері бойынша өрт қауіпсіздігінің бар кемшіліктері туралы анықтама беріледі.