Әрбір қазақстандықтың пікірін тудырады – Беларусь мәдени орталығының басшысы Президенттің сұхбаты туралы

«Радима» беларусь мәдени орталығының төрағасы, ҚХА мүшесі Дмитрий Останькович ел Президентінің «Egemen Qazaqstan» газетіне берген сұхбатына пікір білдірді. Ол Мемлекет басшысының сұхбатында көтерілген мәселелер туралы айтты, деп хабарлайды елорда әкімдігінің ресми сайты.

«Бүгін «Егемен Қазақстан» газетінде Мемлекет басшысы Қасым-Жомарт Кемелұлы Тоқаевтың үлкен сұхбаты жарияланды, онда ол 2023 жылды қорытындылап, жаңа жылға арналған жоспарлар туралы айтып, көптеген өзекті сұрақтарға жауап берді.

Сұхбат өте қызықты және мағыналы болды. Президент Қаңтар оқиғасы, елдегі қос билік мәселесі, саяси және экономикалық реформалар, Үкіметтің өкілеттіктерін кеңейту, ТКШ жаңғырту, атом энергетикасы, сыртқы саясат, отбасылық-тұрмыстық зорлық-зомбылық, елдегі кадр саясаты сияқты тақырыптарды талқылады.

Мен, ҚХА мүшесі ретінде, сұхбаттарда біздің қоғамның рухани дамуына арналған Президенттің сөздерін ерекше маңызды деп санаймын.

«Жалпыұлттық құндылықтар бәрінен жоғары тұруға тиіс: еңбекқорлық, білімпаздық, кәсібилік, бірлік, ынтымақ, жанашырлық, іскерлік, бастамашылдық, адалдық, қарапайымдылық және үнемшілдік – нағыз отаншыл, адал азаматқа тән қасиеттер мен құндылықтар», - деді Мемлекет басшысы.

Бұл сұхбат әрбір қазақстандықтың қызығушылығы мен пікірін тудыратынына сенімдімін! – деді Дмитрий Останкович.