Астанада көшелердің қарын күреу бойынша тәулік бойы жұмыс жүріп жатыр

Елордада қар күреу бойынша тәулік бойы жұмыс жүргізіліп жатыр, деп хабарлайды елорда әкімдігінің ресми сайты.

19 желтоқсаннан 20 желтоқсанға қараған түні қар күреу жұмысына 1600-ден астам арнайы техника мен 500-ге жуық жол жұмысшы жұмылдырылды.

Қыс мезгілінің басынан бері елордадан 113 мың текше метрге жуық қар шығарылды, ол үшін қар полигондарына 9 мыңға жуық рейс жасалды.

Бірінші кезекте қоғамдық көліктің қозғалысына кедергі келтірмес үшін негізгі магистральдар тазартылады. Ары қарай, қозғалысы орташа қарқынды учаскелер – алаңдар, вокзал маңындағы аумақтар, тротуарлар тазартылады.

Қар күреу жұмысы тәулік бойы күшейтілген режимде жүргізіліп жатыр.