Астанада құлақтандыру жүйесін тексеру кезінде электр сиреналары іске қосылады

Астана қаласында құлақтандыру жүйесін тексеру кезінде электр сиреналары іске қосылады, деп хабарлайды елорда әкімдігінің ресми сайты Астана ТЖ департаментіне сілтеме жасап.

Бүгін Астанада «Қыс-2023» Республикалық командалық-штабтық оқу-жаттығулары өтеді, оның аясында сағат 12:55-те қаланы құлақтандыру жүйесіне электр сиреналарын, сиреналық-сөйлеу құрылғыларын іске қосу және теле-радио хабарлардың таратылуын тоқтату арқылы тексеру жүргізіледі.

Бұл сигналды естіген қала тұрғындары қалыптасқан жағдайдағы іс-әрекеттер туралы ақпарат пен нұсқаулар алу үшін қолда бар ақпаратты қабылдау құралдарын (телеарналар, радио және т.б.) дереу қосуға міндетті.

Елорда тұрғындары мен қонақтарын үрейге бой алдырмай, дүрбелең тудырмауын сұраймыз.