Астанада жол қозғалысы қауіпсіздігіне арналған апталық басталды

Астанада апат деңгейін азайтуға және жолдардағы құқық бұзушылықтардың алдын алуға бағытталған «Жол қозғалысы апталығы» атты жалпы республикалық іс-шара басталды. Бұл туралы Астананың коммуникациялар қызметінде өткен брифингте қалалық полиция департаменті жергілікті полиция қызметі басқармасының бастығы Арман Айтмағамбетов айтып берді, деп хабарлайды елорда әкімдігінің ресми сайты.

Іс-шара ҚР ІІМ Әкімшілік полиция комитетінің бастамасымен өткізіледі.

«Апталықтың басты мақсаты – жолдардағы апат деңгейін төмендету, автокөлікпен байланысты құқық бұзушылықтардың алдын алу.
Іс-шара жаһандық сипатқа ие және Қазақстанда жыл сайын өткізіледі.

Қауіпсіздік апталығын өткізу барысында күн сайын жолда заңға бағынатын мінез-құлықты қалыптастыруға бағытталған жаңа акция өтеді», - деді спикер.

Мәселен, бүгінде еліміздің барлық өңірінде «Көзге түс!» акциясының мақсаты – ересектердің назарын аудару үшін балалардың сырт киіміне жарық шағылысатын элементтерді (фликерлерді) қолдануын насихаттау.
Мектепке дейінгі мекемелерде «Қамқор Ана» конкурстары өтеді. Ол жеке тұлға ретінде фликерлерді киюді насихаттауға бағытталған, бұл жаяу жүргіншілердің қауіпсіздігі.
Байқау шарттары: аналар киімдерін ұсынуы керек
Жаяу жүргіншілердің қатысуымен болатын апаттың өсуі әдетте тәуліктің кешкі, түнгі уақытында, әсіресе күзгі-қысқы кезеңнің басталуымен, күн қысқарған кезде болады. Жаяу жүргіншілер жүргізушілерге көрінбей қалып жатады.
Себебі қаралау түсті киіммен оларды жүргізушілер байқамай қалып жатады. Ал фликерлері бар киім киген жағдайда мұндай апат 85%-ға, яғни 6,5 еседен астам азаяды.

Апталық ішінде өзге де алдын алу іс-шаралары жоспарланған: жастар мен студенттер арасында жол қауіпсіздігі тақырыбында әлеуметтік жарнама бойынша шығармашылық жұмыстар конкурстары, үздік автомектепке, төтенше жағдайларда көлікті дұрыс жүргізу, «Жүргізуші, менің өмірімді сақта!» және т.б.

Қауіпсіздік апталығы 19 қарашада Дүниежүзілік жол-көлік оқиғалары құрбандарын еске алу күнінде аяқталады.