Астанада мамандар халықтың діни сауаттылығын арттыру мәселесін талқылады

Діндерді зерттеу орталығы Астана әкімдігінің қолдауымен елордада Діни экстремизм мен терроризмнің алдын алуға, халықтың діни сауаттылығын арттыруға, Қазақстан халқының салт-дәстүрлері мен құндылықтарын насихаттауға, экстремистік идеяларға қарсы «иммунитетті» нығайтуға және осы саладағы ел заңнамасының талаптарымен танысуға бағытталған семинар ұйымдастырды, деп хабарлайды елорда әкімдігінің ресми сайты Elorda.info басылымына сілтеме жасап.

«Қазіргі қоғамда діни мәселелер ерекше өзектілігін көрсетеді. Біз халықтың діни сауаттылығын арттыруда танымдық, ағартушылық бағытты ұстануымыз, жаһанданудың қазіргі кезеңдерінде зайырлы қоғамдағы әртүрлі көзқарастар мен пікірлерді құрметтеуіміз, олармен қарым-қатынас жасауымыз, кез келген діни экстремистік, террористік әрекеттерді құрметтеуіміз, сондай-ақ олардың алдын алуымыз керек.

Осылайша, Президент Қасым-Жомарт Тоқаевтың «Пікірлердің плюрализмін сақтай отырып, радикализмнің, экстремизмнің және сепаратизмнің кез келген түріне қарсы тұруға» шақырған сөздерін қолдай отырып, біз діни экстремизм мен терроризмнің алдын алуды жүргіземіз.

Біз сабырлы болуды, діни төзімділікті насихаттауды, сондай-ақ еліміздің азаматтарының діни ұстанымдарына құрметпен қарауды үйренуіміз керек», – деп атап өтті Астана Дін істері басқармасының басшысы Нұрдәулет Әлмұханов.

Семинарға қатысушылар интернет кеңістігінде және әлеуметтік желілерде шамадан тыс болатын қауіптер, сондай-ақ жастарды деструктивті діни ұйымдардың қызметіне тартудың алдын алуды талқылады.

Іс-шараға ҚР Ақпарат және қоғамдық даму министрлігі Дін істері комитетінің басқарма басшысы Ердәулет Кенжеханов, мемлекеттік органдардың, үкіметтік емес ұйымдардың, қоғамдық кеңестердің өкілдері, дінтанушы ғалымдар мен сарапшылар қатысты.