Елордалық ТЖД жылыту маусымындағы өрттердің себебін айтты
Елордадағы өрттердің көбі қыста болады. Астана қаласының Коммуникациялар қызметінде өткен брифингте тілсіз жаудың негізгі себептері туралы қалалық Төтенше жағдайлар департаменті Мемлекеттік өрт бақылау басқармасы басшысының міндетін атқарушы Ажар Рүстемова түсіндіріп берді, деп хабарлайды елорда әкімдігінің ресми сайты.
Төтенше жағдайлар департаменті өкілінің айтуынша, өрттердің ең көп саны азаматтық қорғау органдарының бақылауынан тыс объектілерде болады, олардың негізгілері тұрғын үй секторы болып саналады – 167 жағдай, көлік құралдары – 142, жаңадан салынып жатқан объектілер – 21 өрт, бұл барлық тіркелген өрттердің 80%-ын құрайды.
«Өрттің көп бөлігі тұрғын үй секторында тіркеледі. Айта кету керек, өрттің көбеюі маусымдық сипатта айқын көрінеді, табиғи-климаттық жағдайларға сәйкес аймақ төмен температураға бейім. Өрттің шыңы қыс айларында болады және ол қалыпты аязға байланысты. Жоғарыда айтылғандарды ескере отырып, алдағы жылыту маусымында төтенше жағдайлардың туындау қаупін азайту мақсатында департамент 15 тамыз бен 15 қыркүйек аралығында қала аумағында «Өрт қауіпсіздігі айлығы» өткізіліп жатыр, оның мақсаты мен міндеттері тұрғын үйлерде өрт қауіпсіздігін қамтамасыз ету мәселелері бойынша азаматтарға кеңес беру және хабардар ету екенін хабарлайды», - дейді Ажар Рүстемова.
Негізгі екпін тұрғылықты жері бойынша атаулы өрт-профилактикалық жұмыс жүргізілетін халықтың әлеуметтік осал топтарының тұрғын үйіне бағытталған.
Өрттерді талдау әрбір екінші өрт электр жабдықтарын монтаждау және техникалық пайдалану ережелерінің бұзылуына байланысты, әрбір үшінші және төртінші-пештерді орнату және пайдалану кезінде өрт қауіпсіздігі ережелерінің бұзылуына және отпен абайсыз жұмыс істеуге байланысты болатынын көрсетеді.
«Жатақханалар мен коммерциялық қызметке өз бетінше түрлендірілген тұрғын үйлердің, қысқы кезеңде тұруға бейімделмеген саяжай үйлерінің өртке қарсы жай-күйі ерекше алаңдаушылық туғызады. Онда өрт қауіпсіздігінің қарапайым ережелері ескерілмейді, барлық жерде өрттің туындауына нақты қауіп төндіретін уақытша сызбада салынған электр сымдары пайдаланылады. Бұл ретте үй-жайларды әрлеу үшін жанғыш материалдар пайдаланылады, олардың жануы қауіпті удың бөлінуімен қатар жүреді», - дейді ол.
Тәуекел тобында сондай-ақ әлеуметтік осал өмір салтын жүргізетін азаматтар санаты және белгілі бір тұрғылықты жері жоқ адамдар бар, олармен жұмыс ішкі істер және әлеуметтік қорғау органдарымен бірлесіп жүргізілетін болады.
Қалалық әкімдіктің қолдауымен халықтың әлеуметтік осал топтарының үйлерінде өрт хабарлағыштарын, көміртегі тотығы датчиктерін және газ талдағыштарын орнату жұмысы жалғасатын болады. Адамдарды «пассивті» қорғау жүйелерін енгізу өртті ерте анықтауға, адамдарды хабардар етуге және тиісінше қауіпті аймақтан уақытылы шығуға ықпал етеді. Мысалы датчиктердің іске қосылуы нәтижесінде соңғы екі жылда жалпы алғанда 11 баласы бар екі көпбалалы отбасы құтқарылды.
«Кондоминиум объектісінің ортақ мүлкін күтіп-ұстауға арналған шығындарға тұрғындардың қатысуы аясында өрт қауіпсіздігін қамтамасыз ету қызмет көрсететін компанияларға жүктелетін жоғары қабатты үйлер мен шағын отбасылық жатақханалардың өртке қарсы жай-күйіне жеке мониторинг жүргізілетін болады. Өкінішке қарай, департамент тарапынан қабылданған құқық қолдану практикасы мен шектеу шараларын талдау деректері іс-шараларды орындау үшін қаражат іздемей, жүйелі негіздегі объектілер айыппұлдарды төлеумен шектелетінін, күн сайын адамдарға қауіп төндіре отырып, бұзушылықтармен пайдалануды жалғастыратынын айғақтайды», - дейді Ажар Рүстемова.