Астанада спорт мектептерінің тәрбиеленушілері арасында футболдан ҚР чемпионаты өтеді

Астанада 12 жасқа дейінгі спорт мектептерінің тәрбиеленушілері арасында футболдан Қазақстан Республикасының чемпионаты өтеді, деп хабарлайды елорда әкімдігінің ресми сайты.

Жарыс 17-25 тамыз аралығында «Жас Батыр» стадионында өтеді.

Үздік команда атағы үшін Қазақстанның 12 өңірінен: Астана, Шымкент, Алматы қалалары, Ақтөбе, Қызылорда, Жамбыл, Түркістан, Маңғыстау, Жетісу, Қарағанды, Қостанай, Павлодар облыстарынан 250-ден астам спортшы таласады.

Турнирдің ресми ашылу салтанаты 18 тамыз күні сағат 11:30-да «Жас Батыр» стадионында өтеді.