Бекетай мен Мәскеу көшелерінің қиылысы жөндеу жұмысына байланысты жабылды

Қалалық ПД әкімшілік полиция басқармасының келісімі бойынша жол қозғалысы қауіпсіздігін қамтамасыз ету үшін Бекетай-Мәскеу көшелерінің қиылысында жол төсемін орташа жөндеу жұмысы жүргізіліп жатыр, деп хабарлайды елорда әкімдігінің ресми сайты.

Осы жылдың 10-12 тамыз аралығында жөндеу жұмысына байланысты жоғарыда көрсетілген учаскеде көлік қозғалыс толығымен жабылатын болады.

Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет.