Өз пәтерлерін жылдар бойы күтті: елордада ұзаққа созылған құрылыс мәселелері қалай шешіліп жатыр

2019 жылға қарай елордада 16 мың үлескер отбасы болды, олар жылдар бойы өз пәтерлерін күтті. Үш жыл ішінде олардың басым көпшілігі көптен күткен қоныс тойын тойлады, қалған үш мың адамның мәселесі осы және келесі жылы шешіледі. Бұл туралы Астана телеарнасында шыққан "Жайлы қала" деректі фильмінде толығырақ айтылды, деп хабарлайды қалалық әкімдіктің ресми сайты.

Адамдардың өз үйлерін алуға деген тілегін арсыз мердігерлер аяқ асты қылды. 2019 жылға қарай Астанада 150-ден астам проблемалық үлестік объектілер болды, 16 мың отбасы не ақшасыз не жылжымайтын мүліксіз қалды.

"Мен 2014 жылы анама пәтер сатып алдым. Бірақ, өкінішке орай, жосықсыз құрылыс салушылардың қолына түстім. Біз мыңдаған адам едік, анамның алдында оны өзіме жақын көшіру туралы уәдемді орындай алмайтыным ұят болды", - дейді астаналық Гүлнара Исабаева.

Кейбір ұзаққа созылған құрылыстарда жобалық-сметалық құжаттама болған жоқ, басқаларында пәтерлер екі рет, кейде үш рет сатылды, үшіншіден, апатты болып шыққан жақтау көтерілді. Сондай-ақ, барлық жұмыстар шұңқыр деңгейінде қатып қалған нысандар болды. Олардың әрқайсысы бойынша қадамдық іс-шаралар жоспары жасалды. Сонымен қатар, меншік иелері жұмыс барысын бақылай алды.

"Мемлекет "Нұрлы жер" бағдарламасы аясында бізге екі жыл ішінде өз үйімізді салуға мүмкіндік берді. Біз жобаны әзірледік, мемлекеттік сараптаманың оң қорытындысын алдық. Алгоритм пысықталды, мен кабинеттен кабинетке жүгірмедім, бізді көшедегі адамдар ретінде емес, әріптестер мен серіктестер ретінде қабылдады. 2021 жылдың 30 қарашасында біз кілттерді алдық. Мен өз пәтерімді 8 жылдан астам күттім. Бұл мен үшін үлкен қуаныш", - деп бөлісті Исабаева.

Айта кетейік, 2019 жылдың жазынан бастап 14 мың отбасы үшін өзекті мәселе шешілді. Екі мың үлескер бойынша жұмыс жалғасуда. Үлестік құрылыстың қалған объектілері бойынша қадамдық іс-шаралар жоспары бекітілді. Мемлекет басшысының тапсырмасы бойынша ұзаққа созылған құрылыстарды аяқтау бойынша жүйелі жұмыстар жүргізіліп жатыр.