Елордада жергілікті өзін-өзі басқаруды дамыту туралы пікірталас өтті
Қазақстанның Азаматтық Альянсы кеңсесінде «Жергілікті өзін-өзі басқаруды дамыту» пікірталас өтті. Спикерлер ЖӨБ-нің елдегі перспективалық көрінісі, басқа мемлекеттердің тәжірибесі мен дамуы туралы айтты, деп хабарлайды Нұр-Сұлтан әкімдігінің ресми сайты.
Диалог алаңында «Қазақстанның экологиялық ұйымдары қауымдастығы» ЗТБ басқарма төрайымы Айгүл Соловьева, ҚР Парламенті Мәжілісінің депутаты Ғазиз Құлахметов, ҚР ҰЭМ өңірлерді талдау және жергілікті өзін-өзі басқаруды дамыту департаментінің директоры Анар Байтукенова, Жергілікті өзін-өзі басқаруды дамыту институтының басшысы Худяков Сергей Герольдович; «OSHAQ» Жергілікті қоғамдастықтар халық конгресінің басшысы Еркінбек Рақымбаев, Алматы облысындағы «Оchaq тұрақты даму орталығы» ҚБ басшысы Сарқытбек Молдабаев, ҚР Президенті жанындағы Мемлекеттік басқару академиясының Ақмола облысы бойынша филиалының директоры, ауылдық округтің экс-әкімі, ұлттық құрылтайдың мүшесі Белла Газдиева, «СМЕДА» шағын және орта кәсіпкерлікті дамыту агенттігі» ҚҚ директоры Абай Мырхин, Маңғыстау облысы Азаматтық Альянсының төрайымы Жібек Ахметова, Жамбыл облыстық Азаматтық альянсының басшысы Дастан Исламбек қатысып, өз ойларын ортаға салды.
Спикерлер «Қазақстан Республикасындағы жергілікті өзін-өзі басқару туралы» Қазақстан Республикасы Заңының жобасына тұжырымдама, Қазақстандағы жергілікті өзін-өзі басқарудың перспективалық көрінісі, Германиядағы жергілікті өзін-өзі басқарудың даму тәжірибесі сияқты тақырыптарды талқылады.
Бүгінде Қазақстанда 2000-нан астам жергілікті қауымдастық бар. Жергілікті өзін-өзі басқаруды дамытудың 2025 жылға дейінгі тұжырымдамасы мәслихаттардың рөлін елеулі түрде өзгертуге арналған, жергілікті өзін-өзі басқарудың кіріс базасы қазіргі 6-дан 2024 жылы 13-ке дейін ұлғаяды.
Осы реформалардың барлығы жергілікті басқару жүйесіне қалай әсер етеді? Реформалар нәтижелері бойынша жергілікті өзін-өзі басқарудың қандай моделі қалыптасуы тиіс? Азаматтар жергілікті жерлерде өзін-өзі басқару бойынша жұмыс жүргізуге дайын ба? Осы және басқа да мәселелер елордада сараптамалық талқылаудың басты тақырыбына айналды.
Диалог алаңының жұмысын ашқан Қазақстан Республикасының Ақпарат және қоғамдық даму вице-министрі Данияр Қадыров жергілікті өзін-өзі басқару халық билігінің тікелей көрінісі болып саналатынын және бәрінен бұрын халыққа жақындағанын атап өтті.
«Жергілікті өзін-өзі басқарудың мықты жүйесі – азаматтардың өз елді мекендеріндегі өмір сүру сапасын жақсартуға тікелей қатысуы үшін базалық негіз болып саналады. Бұл әр адамның мүдделеріне әсер етеді және жергілікті қауымдастықтардың көптеген проблемаларын реттейді. Жергілікті өзін-өзі басқару мемлекеттік биліктің деңгейі ретінде әрекет ететіндіктен, ол әлі де азаматтардың өзін-өзі ұйымдастыруының бір түрі болып саналады, онсыз сәтті азаматтық қоғамдастық құру мүмкін емес. Жергілікті өзін-өзі басқарудың арқасында жергілікті қоғамдастықтардың өкілдері өз аумағында өмір сүрудің жақсы жағдайларын жасауға саналы түрде қатыса алады. Сонымен қатар, бұл азаматтардың әлеуметтік белсенділігі мен жауапкершілігінің артуына әсер етеді», - деп атап өтті вице-министр.
Альянс президенті Бану Нұрғазиева Мемлекет басшысының билікті орталықсыздандыру үдерісін одан әрі тереңдетпей, табысты саяси жаңғырту мен азаматтық қоғамды дамыту мүмкін емес екенін ерекше атап өтті.
«Қазір басты мәселе – биліктің нақты бөлінуі. Өзінің Жолдауында Президент Қасым-Жомарт Тоқаев Қазақстанда суперпрезиденттік республика құрылғанын, онда кез келген билік қандай да бір жолмен Президенттен не тікелей, не жанама түрде шығатынын мәлімдеді. Президенттің өзі билікті бөліп, президенттік-парламенттік жүйені құруға дайын. Бұл үкіметтің парламенттік партиялар құруына әкелуі керек. Мемлекеттік билік пен жергілікті өзін-өзі басқарудың бөлінуі – бұл негіз. Мен жергілікті өзін-өзі басқару қазіргі уақытта нақты нәтижелерге қол жеткізу қажет маңызды мәселелердің үштігіне кіретінін атап өткім келеді», - деп атап өтті Бану Нұрғазиева.