Елордалық жастардың жұмысқа орналасуына қандай көмек көрсетіледі

Бүгінгі күні халықты жұмыспен қамту орталығына жұмысқа орналастыру мәселелері бойынша елордада тұратын 2538 жас жүгінді. Бұл туралы онлайн брифингте қалалық жастар саясаты мәселелері басқармасының басшысы Қайрат Қамбаров мәлімдеді, деп хабарлайды Нұр-Сұлтан әкімдігінің ресми сайты.

Жыл басынан бері елорданың Жұмыспен қамту орталығы арқылы 1493 адам жұмысқа орналастырылды. Оның 626 - тұрақты жұмыс орындарына, "Жастар тәжірибесі" бағдарламасы бойынша - 209, "Әлеуметтік жұмыс орындары" - 33, "Қоғамдық жұмыстар" - 606, "бірінші жұмыс орны"-16, сондай-ақ жаңа бизнес-идеяларды іске асыру үшін гранттар берілді.

Сонымен қатар, осы бағдарламалар шеңберінде еңбекақы мөлшері де арттырылды. Мысалы, "Жастар тәжірибесі" жобасы бойынша 107 мың теңге, ал "Қоғамдық жұмыстар" жобасы бойынша 102 мың теңге төленеді.

"Осы жобалардағы жұмыспен қамтудың арқасында жастар тәжірибе жинап, өзін танытуға, жұмыс берушіге өз қабілеттерін көрсетуге мүмкіндік алады", - деп атап өтті спикер.

Бейінді басқарма жұмысының тағы бір бағыты-жасөспірімдер мен жастардың уақытын тиімді өткізу үшін әрекет ететін аула клубтарының желісін дамыту. 

"Астана жастары" МОО балансында 26 аула клубы бар, онда 3100 тәрбиеленуші оқиды. Олар қалалық, республикалық және халықаралық олимпиадалар мен конкурстарға қатысып, жүлделі орындарға ие болуда. Олардың базасында 52 түрлі үйірмелер мен секциялар жұмыс істейді: 28 - спорттық секциялар, 24 - шығармашылық үйірмелер. 

"Қазіргі уақытта біз қала шетінде аула клубтарын ашуға көп көңіл бөлудеміз. Мысалы, Ильинка, Қараөткел, Күйгенжар, Орман зауытында", - деді Қ.Қамбаров.