Елордада "Парыз-2022" байқауының "Экологияға қосқан үлесі үшін" номинациясына қатысуға өтінімдер қабылдау жүргізілуде

Бизнестің әлеуметтік жауапкершілігі жөніндегі "Парыз" республикалық конкурсы аясында жыл сайын "Экологияға қосқан үлесі үшін" номинациясы белгіленеді. Елорданың Қоршаған ортаны қорғау және табиғатты пайдалану басқармасы қоршаған ортаның жай-күйін жақсартуға, қалдықтарды қайта өңдеу мен кәдеге жаратуға бағытталған табиғатты қорғау (экологиялық) бағдарламаларын, іс-шаралар мен жобаларды іске асыруда ерекше көзге түскен қала кәсіпорындарын беделді конкурсқа қатысуға шақырады, деп хабарлайды Нұр-Сұлтан әкімдігінің ресми сайты.

"Экологияға қосқан үлесі үшін" номинациясы бойынша "Парыз" конкурсына қатысуға өтінімдерді қабылдау 2022 жылғы 1 маусым мен 1 тамыз аралығында жүзеге асырылады. Құжаттарды Нұр-Сұлтан қаласының қоршаған ортаны қорғау және табиғатты пайдалану басқармасы Сарыарқа даңғылы, 13 мекен-жайы бойынша қабылдайды.

Қатысушылар үшін міндетті шарттардың ішінде:

- қызметкерлерге жалақы және басқа да төлемдер бойынша берешектің болмауы;

- ағымдағы төлемдер бойынша берешектің болмауы, барлық деңгейдегі бюджеттерге; 

- ұйым тарату немесе банкроттық сатысында болмауы тиіс. 

Бұл ретте ірі кәсіпкерлік субъектісінде 250 – ден астам адам, орта – 250 адамға дейін, шағын-100 адамға дейін жұмыс істеуі тиіс.  

Отыздан аз қатысушыларды іріктеудің барлық критерийлері туралы мамандандырылған басқармаға хабарласу арқылы білуге болады. Сондай-ақ, Жүсіпов Рустам Кенжебайұлына 

+7 7172 55 75 79 телефоны арқылы сұрақтар қоюға болады.