Пригородныйда жыл бойғы жәрмеңке жаңа жылдық мерекелерде қалай жұмыс істейді?

31 Желтоқсанда елорда маңындағы Пригородный тұрғын алабында жыл бойғы жәрмеңке бір сағатқа ұзағырақ жұмыс істемек. Ал келесі төрт күнде уақытша жұмыс істемейді, деп хабарлайды Нұр-Сұлтан әкімдігінің ресми сайты.

2021 жылдың 31 желтоқсанында ауылшаруашылық жәрмеңкесі сағат 19:00-ге дейін болады. 1-4 қаңтар аралығында жәрмеңке жұмыс істемейді. 5 қаңтардан бастап жұмыс бұрынғы режимде жалғасады: күн сайын сағат 09:00-ден 18:00-ге дейін.

Қазір жәрмеңкеге 40 кәсіпкер қатысады. Жергілікті өндірушілерден басқа Павлодар, Шығыс Қазақстан, Қарағанды, Ақмола облыстарының кәсіпкерлері де өз тауарларын ұсынады.

Естеріңізге сала кетейік, бұл Нұр-Сұлтандағы алғашқы жыл бойғы ауыл шаруашылығы жәрмеңкесі. Жәрмеңкедегі бағалар нарықтық бағадан 15-20% - ға төмен. Ғимараттың мекенжайы: Нұр-Сұлтан қаласы, Есіл ауданы, Пригородный тұрғын алабы, Арнасай көшесі, 109.

Жәрмеңкеде жұмыс істеуге мүдделі кәсіпкерлер 8 7172 61 35 54 нөміріне хабарласуы қажет. Алғашқы үш айда сауда орындары тегін беріледі, содан кейін жалдау жеңілдік тарифімен алынады.