Сыбайлас жемқорлыққа қарсы мәдениет тақырыбы бойынша журналистерге арналған конкурс: жұмыстарды қабылдау жалғасуда
Нұр-Сұлтан қаласының Ішкі саясат басқармасы Қазақстан Республикасы Сыбайлас жемқорлыққа қарсы іс-қимыл агенттігінің елордалық департаментімен бірлесіп, Сыбайлас жемқорлыққа қарсы мәдениетті, қоғамдағы сыбайлас жемқорлыққа төзбеушілікті қалыптастыруға бағытталған үздік журналистік жұмыстарға конкурс жариялады, деп хабарлайды елорда әкімдігінің ресми сайты.
Үздік журналистік жұмысқа конкурс қоғамда Нұр-Сұлтандағы сыбайлас жемқорлыққа төзбеушілікті көрсететін құндылықтар жүйесін сақтау және нығайту мақсатында бұқаралық ақпарат құралдарының (бұдан әрі – БАҚ) өкілдері үшін өткізіледі.
Оған қалада сыбайлас жемқорлыққа қарсы саясатты қалыптастыру мәселелерін жариялайтын журналистер қатыса алады.
Конкурсқа 2021 жылғы 1 қаңтардан 1 қарашаға дейінгі кезеңде жарияланған не эфирге шыққан материалдар (бағдарламалар, деректі фильмдер, студиялық жазбалар, мақалалар, сұхбаттар) жіберіледі. Жұмыстың негізгі тақырыбы: Сыбайлас жемқорлыққа қарсы мәдениетті қалыптастыру, қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту.
Ұсынылатын жұмыстар саны шектелмеген. Байқау ережелерімен толығырақ ереже арқылы танысуға болады.
Құжаттар осы жылдың 22 қарашасына дейін, 010000, Нұр-Сұлтан қаласы, «Нұр-Сұлтан қаласының Ішкі саясат басқармасы» ММ, Бейбітшілік көшесі, 11 мекенжайы бойынша қабылданады. Тел. 55-67-09, 55-67-14 немесе электрондық поштаға konkurs_smi@inbox.ru.