Модульдік үй құрылысы, ӨЖЖ-аппараттары, қорғаныш костюмдері: 100-ден астам тауар атауы Нұр-Сұлтан қаласының кәсіпорындарында шығарылады
Елордадағы № 1 Индустриялық парктің кәсіпорындары жүзге жуық тауар түрін шығарады. Мұнда тұрғын үй салу мерзімін бірнеше есе қысқартуға мүмкіндік беретін модульді үй құрылысы зауыты іске қосылды, сондай-ақ, қалада пандемияға дейін болмаған ӨЖЖ, қорғаныс костюмдері, маскалар өндірісі жолға қойылды, деп хабарлайды Нұр-Сұлтан әкімінің ресми сайты «Казахстанская правда» басылымына сілтеме жасап.
Ел Президентінің Жолдауында басты назар елорданың өңдеу секторына аударылды.
Мәселен, №1 Индустриялық парктің арқасында қала бүгінде жүзге жуық тауар түрін шығарады, оның ішінде елімізде баламасы жоқ телекоммуникациялық модемдер, коммутаторлар, электрондық-оптикалық аспаптар, эвакуациялық құтқару капюшондары бар.
Жыл сайын мұнда жаңа кәсіпорындар іске қосылады.
«ске асырылған жобалардың ішінде «ModeX Astana» ЖШС компаниясының блоктық үй құрылысы зауытын атап өткім келеді. Әзірге құны 15 миллиард теңге болатын оның бірінші кезегі ғана пайдалануға берілді. Кәсіпорын өнімдері BI Group құрылыс компаниясының қажеттіліктеріне жеткізіледі. Атап айтқанда, осы компанияның блоктық модульдерінен республикада ковидтік госпитальдар салынды», – деп хабарлады «Нұр-Сұлтан қаласының Инвестициялар және кәсіпкерлікті дамыту басқармасы» ММ басшысының орынбасары Бауыржан Мұхиядинов.
Жобаның бірінші кезегінің қуаты жылына 135 мың шаршы метрді құрайды. Барлығы үш кезекті салу жоспарланып отыр, сонда кәсіпорын жыл сайын шамамен 400 мың шаршы метр тұрғын үй салуды қамтамасыз ете алады.
Модульдік үй құрылысы - ең тиімді технологиялардың бірі. Оны енгізу еліміздегі тұрғын үй құрылысына жаңа серпін береді, деп есептейді сарапшылар.
Технология ғимараттардың салыну уақытын қысқартып, олардың өзіндік құнын төмендетеді, бұл тұрғын үйді қазақстандықтардың кең ауқымы үшін қолжетімді етеді. Таза әрленген 16 қабатты бір кіреберісті (12 - 18) қарапайым үйді үш айда салуға болады: күніне бір қабаттан.
«Модульдік блоктар - бұл терезелері, қасбеті, сантехникасы, кафелі, түсқағазы, ламинаты, құбырлары мен электр сымдары бар таза әрленген дайын бөлмелер. Аяқтау тұрғын үй класына және клиенттердің қалауына байланысты өзгереді. Зауытта толық жиынтықталған модульдер конструктор бөлшектері ретінде біртұтас болады», - деді спикер.
Пандемия өмірдің барлық салаларына, соның ішінде индустрияға қатты әсер етті. Компаниялар шұғыл түрде жаңа жағдайға бейімделуге мәжбүр болды. Бұл өндірісті әртараптандыруға және өзгерістерді іздеуге қатысты болды.
Төтенше жағдай режимі енгізілгенге дейін елордада ӨЖЖ аппараттарын, медициналық бұйымдар мен қорғаныс маскаларын шығаратын бірде-бір кәсіпорын болған жоқ. Ал карантин енгізіліп, осы тауарлардың тапшылығы кезеңінде қала кәсіпорындары оларды өздері өндіру бастамасын қолға алды.
Қысқа уақыт ішінде өмірлік маңызы бар өнімдердің қажетті көлемін, атап айтқанда ай сайын 12 млн дана маска мен 90 мың дана қорғаныш костюмін қамтамасыз ете алатын жаңа кәсіпорындар құрылды. Бұл «Skinwood», «Bionick-PRO» ЖШС,
«Болашақ-2019», «Akbarys Protection». Обаға қарсы комбинезондар тігу мүмкіндігі пайда болды, бұл орынды «Q product» ЖШС (айына 50 мың бірлік) және «Vita Pharma» ЖШС (40 мың бірлік) иеленді.
Сондай-ақ, «Астана - жаңа қала» АЭА № 1 Индустриялық паркі алаңында «Қазақстан Аселсан Инжиниринг» ЖШС Қорғаныс өнеркәсібі кәсіпорны базасында ӨЖЖ аппараттарының өндірісі ретке келтірілді.
2021 жылдың соңына дейін Индустриялық паркте 3,5 млрд теңгеге жуық тағы 5 нысан іске қосылады, онда 160-қа жуық жұмыс орны ашылады. Атап айтқанда, «AQ-Qauyrsyn» ЖШС кеңселік кеңсе тауарларын, «ЛС Групп» ЖШС лифт құрылысы зауытын, «Аромат» ЖШС парфюмерлік зауытын, құрылыс материалдарын (қадалар, газоблоктар) өндіру жөніндегі кәсіпорын – «Spectrum плюс» ЖШС, сол сияқты тоттануға қарсы және оттан қорғау жабындарын өндіру – «ВМП Астана зауыты» ЖШС.
Бұдан басқа, 2017 жылдан бастап елордада № 2 Индустриялық парк, «Назарбаев Университеті» АҚ, желекжол аумағын, сондай-ақ 800 орындық көпфункционалды аурухана аумағын қоса алғанда, 737 га аумақты алып жатқан «Астана-Технополис» арнайы экономикалық аймағы жұмыс істейді.
Бүгінде мұнда 153,2 млрд теңгенің 11 инвестициялық жобасы ресми тіркеліп, жүзеге асырылуда. Екі жоба жұмыс істеп тұр («Азамат» ЖШС, «Egistic» ЖШС), тоғызы іске асырылу сатысында.
АЭА аумағында Қазақстанның салық, кеден, жер заңнамасымен реттелетін қатысушы компаниялар үшін арнайы құқықтық режим құрылды. Инвесторлар үшін бірқатар кедендік және салықтық жеңілдіктер қарастырылған: КТС төлеуден, объектілер құрылысы кезінде ҚҚС төлеуден, жер салығынан, мүлік салығынан, жерді жалға беруден босату. Сондай-ақ, еркін кедендік аймақ және шетелдік жұмыс күшін әкелу кезінде жеңілдетілген режим қолданылады.
«Жасалған жағдайлардың арқасында жыл сайын география да, экспорт номенклатурасы да кеңейіп келеді. Егер бұрын біз тек локомотивтерді, сорғыларды, ұн мен макарон өнімдерін экспорттайтын болсақ, қазір алғаш рет шетелге құрылыс материалдарын, санитарлық-гигиеналық тауарларды, шприц-пробиркаларды, телекоммуникациялық жабдықтарды және басқаларды сата бастадық», – дейді Бауыржан Мұхиядинов.