Елордада ашық аумақтарды дератизациялау басталды

Елордалық Қоршаған ортаны қорғау және табиғатты пайдалану басқармасы "AG Disinfection services" ЖШС-мен бірлесіп ашық кеңістіктерді дератизациялау бойынша күзгі науқанды бастады. Бұл туралы қала әкімдігінің ресми сайты хабарлады. 

Ашық аумақтардағы дератизация 2021 жылдың 6 қазанына дейін жалғасады. Улы жем саябақтарда, өзендер аумағына, каналдарда, су қоймаларында және зираттар аумағына себіледі. Өңделетін ашық кеңістіктердің ауданы 3112 гектарды құрайды.

Бұдан әрі 7 қазаннан бастап жеке секторды өңдеу басталады – тұрғындар арнайы улы препараттарды тегін алады, сондай-ақ сол жерде қауіпсіздік шаралары түсіндіріледі. Дератизация 3 турда жүзеге асырылады. 25 мыңнан астам тұрғын үйді өңдеу жоспарлануда. Сақтық шаралары туралы ұмытпау керек және улы дәрі-дәрмектерді балалардың қолы жетпейтін жерлерге – жертөлелерге және жоғары жақтарға қою керек.

Дератизация ҚР-да қолдануға рұқсат етілген бромадиолон және бродефор препараттарын қамтитын дәнді улы препараттарды пайдалана отырып жүргізіледі. Мұндай шаралар кеміргіштер санын азайту және аса қауіпті жұқпалы аурулардың таралуын болдырмау үшін қажет.