Нұр-Сұлтаннан тәулік ішінде 25 мың текше метрден астам қар шығарылды

Нұр-Сұлтанда қар шығаруға 2 мыңнан астам жұмысшы мен мыңға жуық арнайы техника жұмылдырылған. Түнде елордада 0,4 мм жауын-шашын түсті. 28 желтоқсаннан 29 желтоқсанға қараған түні қаланың жолдарын, тротуарларын, алаңдары мен басқа да қоғамдық орындарын санитарлық тазартуға 404 мамандандырылған техника және 39 жол жұмысшысы тартылды. Өткен тәулікте барлығы 25 мың м³ қар шығарылды.

Біріншіден, ережеге сәйкес, жолдардағы кептелістер болмайтындай етіп, өте тығыз көлік қозғалысы бар аймақтар тазартылады. Әрі қарай қарқындылығы орташа аудандар - алаңдар, вокзал маңы аумақтары күреледі.

Қала жолдарының жүру бөлігін мұз басуға қарсы материалдармен өңдеу қар жауа бастаған сәттен басталады. Біріншіден, автомобиль жолдары мен көшелердің қозғалыс үшін ең қауіпті учаскелері өңделеді: тік еңіс және асулар, көпірлер, тоннельдер, көше қиылыстары мен қоғамдық көлік аялдамаларында тежегіш платформалар және т.б. Егер қар бірінші цикл аяқталғаннан кейін жалғаса берсе, жұмыс қажетті ретпен қайталанады.

Бұған дейін қар елорданың барлық аудандарында орналасқан он бір қоқыс полигонына шығарылатыны хабарланған болатын. Қалада қар күреу тәулік бойы өтеді. Полигондарды бақылау мақсатында фото және видео камералар орнатылған.